JW subtitle extractor

Cyflwyniad i 3 Ioan.
Ysgrifennodd Ioan ei drydydd llythyr yn Effesus neu’n agos i’r ddinas, tua 98 OG.
Cyfeiriodd Ioan ei drydydd llythyr at frawd annwyl—Gaius,
enw Rhufeinig a oedd yn gyffredin bryd hynny.
Mae gan 3 Ioan 14 o adnodau.
Roedd gan Gaius enw da am ddyfalbarhau yn y gwir
ac am groesawu brodyr doedd o ddim yn eu hadnabod.
Ac mae’r apostol Ioan yn ei ganmol am ddangos lletygarwch.
Mae agwedd Diotreffes yn wahanol iawn i agwedd Gaius.
Roedd Diotreffes yn gwrthod cyfarwyddyd yr apostolion,
ac roedd o eisiau’r safle pwysicaf yn y gynulleidfa.
Doedd Diotreffes ddim yn barod i groesawu’r brodyr a oedd yn ymweld.
Fe wnaeth o hyd yn oed geisio rhwystro’r rhai oedd yn dangos lletygarwch
a’u bwrw nhw allan o’r gynulleidfa.
Ar y llaw arall, mae Ioan yn dweud bod pawb yn siarad yn dda am Demetrius,
ei ffrind Cristnogol annwyl.
Mae’n bosib mai Demetrius oedd yr un a aeth â thrydydd llythyr Ioan at Gaius.
Oeddet ti’n gwybod?
Yn adnod 6
mae Gaius yn cael ei gynghori i ffarwelio â’r brodyr oedd yn ymweld mewn ffordd fyddai’n plesio Duw.
Byddai hynny’n cynnwys darparu popeth roedd y brodyr yn ei angen ar gyfer eu taith.
Mae’n amlwg fod Gaius wedi gwneud hynny.
Ar ddiwedd ei ail a’i drydydd llythyr,
mae Ioan yn esbonio bod ei lythyrau yn fyr achos mae’n gobeithio gweld ei frodyr cyn bo hir
a siarad â nhw wyneb yn wyneb.
Wrth iti ddarllen 3 Ioan,
sylwa ar sut mae’n pwysleisio’r angen i Gristnogion fod yn lletygar,
ar sut mae’n cyferbynnu agwedd falch Diotreffes ag agwedd Gaius annwyl,
ac ar sut mynegodd Ioan ei gariad dwfn tuag at ei frodyr a’i chwiorydd
a fyddai’n rheoli gydag ef yn y Deyrnas.