JW subtitle extractor

Nduru tënë ti mbeti ti Jude
A yeke polele so Jude,
wala Judas,
so asû mbeti so na
gbe ti yingo vulu
ayeke oko Judas so lo na
Jésus Christ ayeke mama oko.
Jude asû mbeti ti lo
na ngu 65 tongaso,
âmanke na yâ ti
mbeni kodro ti aJuif.
Na ngoi ni so,
mbeni ye so amû mbeto
akomanse ti maï:
asioni zo so ayeke sara
ye tongana anyama
akomanse ti lï na yâ ti congrégation.
Ni la, Jude awa aChrétien
ti tiri ngangu ndali ti mabe.
Mbeti ti Jude ayeke na aversê 25.
Na versê 5,
Jude adabe ti e so
na peko ti so Jéhovah
azi azo ti lo na Égypte,
lo futi azo ti Israël so afa so
ala yeke na mabe na lo ape.
Legeoko nga,
versê 7 atene
“Sodome na Gomorrhe,
legeoko na agbata so angoro ala”
ayeke “mbeni tapande
ti gbotongo mê ndali ti e
na lege so ala wara ngbanga
ti wâ ti lakue lakue.”
Na lege ti akpengba tapande,
versê 12 na 13 asara tënë
ti asioni zo so alï na yâ ti
congrégation tongana
“akota tênë so ahonde
terê ti ala na gbe ti ngu,”
tongana “ambinda so
ngu ayeke dä pëpe
so pupu ahon na ni kirikiri,”
tongana “akeke so alë lengo pëpe”
so agboto ni na gunda ni kue,
nga tongana “asioni mapo
ti ngu-ingo so ayengi kirikiri
si amousse ni alondo.”
Mo hinga?
A yeke wara na
yâ ti mbeti ti Jude
atënë so a yeke wara ni pëpe
na yâ ti tanga ti aversê ti Bible.
Jude oko la asara tënë
ti archange Michel
so apapa na Zabolo
na ndö ti kuâ ti Moïse.
Gï Jude oko nga la
asara tënë ti prophétie
ti Hénok so atene
Nzapa asara kua na
a-ange saki na saki
ti fâ ngbanga na
ndö ti azo ti sioni.
Jude ahunzi mbeti ti lo
na wango aita
ti lo ti ngbâ “na yâ ti
ndoye ti Nzapa,”
ti “ngbâ ti sara nzoni bê na
ambeni zo so ayeke na kite,”
nga ti “sö azo so na
gbotongo ala na lê ti wâ.”
Na ngoi so mo yeke
diko mbeti ti Jude,
bâ tongana nyen la fani mingi
lo mû tapande na ndö ti
afango ngbanga ti Nzapa,
gbu li na ndö ti akpengba
tapande so lo mû,
nga bâ tongana nyen la
lo bi bê mingi na ndö
ti dutingo nzoni-kue
ti azo so ayeke ga ande
ahéritier ti Royaume ti Nzapa
nga na songo ti ala na Nzapa.