JW subtitle extractor

Omuaraa parau o te buka Iuda.
Papu maitai na Iuda, te taeae o Iesu,
i papai i tera rata i raro a‘e i te aratairaa a te varua mo‘a.
Ua papai Iuda ta ’na rata i te area matahiti 65,
peneia‘e i to ’na fenua.
I tera taime, ua faaô te tahi mau tane haerea tia ore tei haa mai te animara i roto i te amuiraa.
Ua faaitoito ïa Iuda i te mau Kerisetiano “ia aro u‘ana no te faaroo.”
E 25 irava to te rata a Iuda.
I te irava 5,
te haamana‘o mai ra Iuda i muri a‘e i to Iehova faaoraraa i to ’na nunaa mai Aiphiti mai,
ua haamou oia i te mau Iseraela tei ere i te faaroo.
I te irava 7, te parau-atoa-hia-ra ua faautuahia Sodoma e Gomora
e te mau oire tapiri i te auahi mure ore,
a riro atu ai ei faaararaa no tatou.
Te faahiti ra te irava 12 e 13 i te feia ino tei faaô i roto i te amuiraa Kerisetiano.
E au ratou i “te mau to‘a ite-ore-hia i roto i te miti,”
te ‘ata o te pee hanoa i te mata‘i a ore ai e horoa mai i te ûa,’
te ‘tumu raau o te ore e horoa mai i te maa’ o “tei iriti-tumu-hia”
e mai te ‘are miti arepurepu ratou o te hue nei i te mau hairiiri i tatahi.’
Ua ite anei oe?
Te vai ra te tahi mau parau tei ite-noa-hia i roto i te rata a Iuda.
O Iuda ana‘e te faahiti ra ia Mikaela, te melahi rahi,
e to te Diabolo mârôraa no nia i te tino o Mose.
E oia atoa te faaite ra i ta Enoha parau tohu,
e faaohipa te Atua i ta ’na mau miria melahi no te haava i te feia ino.
Te faahope ra Iuda i ta ’na rata ma te faaitoito i to ’na mau taeae ia ‘tamau i te rave i te mau mea
e here ai te Atua ia ratou,’ ia ‘tamau i te aroha hamani maitai atu i te feia e feaa ra’
e ia ‘faaora ia ratou ma te huti mai roto mai i te auahi o te haamouraa.’
A taio ai i te rata a Iuda,
a tapao na i te mau hi‘oraa ta ’na i faahiti no nia i te mau haavaraa a te Atua,
a feruri maite i te mau faahoho‘araa puai mau
e nafea oia i haafaufaa ’i i te haerea viivii ore o te mau taeae e to ratou auhoaraa e Iehova.