JW subtitle extractor

Yi naa bed’eabʉchuta Apocalipsis ʉ̃rʉ.
Apocalipsisra Juanba bʉsi 96 k’awa,
maʉ̃nera iyira jida erpanasi Patmosde.
Apocalipsis librobara jarabʉ Génesis bed’eata,
Génesidera jarabʉ drʉa kĩrãwãreãra sãwũã aduadata,
Apocalipsisbara nebʉrabʉ
drʉa kĩrãwãreãra sãwũã jẽda b’aita.
Erbʉ 16 ʉ̃rʉmabʉde ũdubidata, 22 kapitulode.
Kapitulo 1neba 3 bayeda,
jarabʉ bed’ea jaradata kongregasionra
Éfesodebema, Esmirnanebema,
Pérgamonebema,Tiatiradebema, Sardisdebema,
Filadelfiadebema akʉza Laodiceadebema.
4deba 5 bayeda,
jarabʉ Jeowara ʉ̃tʉ bajãnebʉta,
Daizezebara diasi kartata 7 seyo erbʉta,
maʉ̃ra korderoba jidasi, naʉ̃ korderora Jesu.
Kapitulo 6dera Jesubara ewabʉ naʉ̃ra seyorarã
maʉ̃neba ʉ̃tʉ zebʉ kabayorata kimare.
Yi ũbeadebemara jarakĩrãbʉ,
yõta, jarrabata akʉza dayi beita.
Kapitulo 7dera,
Juanbara ũdubʉ angelera kimareba
jʉ̃ãtrʉnʉmʉta Daizeze kĩrʉbira,
yi ʉ̃ta wãira jõma jʉrʉyeda.
Adewara iyara ẽbẽrarãta mejãcha ũdunʉmʉ.
maʉ̃rara bei ẽ bayi Daizeze ewari zebʉrʉdera.
¿K’awuabasika?
Génesis 3:15dera Daizezeba jarasi
yuwẽrã warrabara,
damara yi buruma birachibasita.
Naʉ̃ damaneba Adán Evaʉ̃mera
kayiruata osi baera.
Apocalipsisbara jarabʉ,
naʉ̃ dama kikibarira Diaru (Ãtomĩata).
Edénera naʉ̃ Diarʉbara zokasi damata.
Naʉ̃ yuwẽrã warrara Nok’o Jesubasi
akʉza bara Nok’orata iyiʉ̃me ʉ̃tʉ.
Apocalipsisbara jarabʉ 144 mil panʉta.
Kapitulo 8, 9 bayeda
korderobara ewabʉ yi seyo sieteta.
Maʉ̃ne 7 angelera ʉ̃tʉ zepanʉ
ponchiru erpanʉta
maʉ̃ba jarakĩrãkʉ Daizezeba k’awua oi ewarita.
Kapitulo 10, 11 bayeda
angel mejãcha zarea barabʉba
Juan’a diasi karta bʉratʉma zaketa iya komarẽã.
Naʉ̃ angelba Juan’a jarabʉ
Daizezedeta akʉmarẽã
somãba drazoachubeta,
maʉ̃ tẽã ũdubʉ iya ẽbẽrarã ũme
jaradiabari k’ãrẽta berabaribʉta.
Angel yi 7debema zabʉrʉde ponchiruta
naʉ̃ta ũrĩbʉ: Daizezeba Jesuʉ̃meba
zok’a jʉ̃drʉdogo naʉ̃ drʉara.
Kapitulo 12dera,
Juanbara ũdubʉ wũãwũã zake todata
iyira bajãena edesida,
maʉ̃are jʉretasida Diarʉra
akʉza angelera kayiruata naʉ̃ egoro eda.
Maʉ̃ tẽã kapitulo 13dera
Juanbara ũdubʉ nedʉwʉrʉ zroma
naʉ̃ drʉa zok’anʉmʉta.
Kapitulo 14dera,
ũdubibʉ korderora Sion katʉmane
ʉ̃tʉ edenʉmʉta 144 milbawara.
15, 16 bayeda
angelera 7 panʉba
ʉ̃tʉba weabʉepanʉ Daizeze kĩrʉbita,
oro tasadeba.
Naʉ̃ba jaradiabʉ Armagedón’ra Daizeze yõta
Nok’ora namabemarabawara.
Kapitulo 17, 18 bayeda
bed’eabʉ yuwẽrã kayirua itua domia ʉ̃rʉ,
iyi trʉ̃ra Babilonia pʉwʉrʉ zroma.
Iyira b’ai jirabʉ nedʉwʉrʉ
zroma kuarachu ʉ̃rʉ.
Maʉ̃ nedʉwʉrʉra 10 kacho barabʉ
Maʉ̃ tẽãra maʉ̃ nedʉwʉrʉ zromabara iyira beasi.
Kapitulo 19dera
Juanbara ũdubʉ Jesura
iyi angelerabawaraʉba makenanʉmʉta ãyi nejʉrarãra.
Yi jõĩta ũbea panʉrã
ʉ̃rʉmabʉde ũdubidata kapitulo 20, 22 bayeda
ũdubibʉ Diarura sobea eda wãsita,
Jesuba mil poagabayeda zok’abʉta
nama egorode jẽda piradrʉita,
ẽbẽrarã kayirua makenaita
akʉza angelera kayiruasida.
Juanbara ũdubʉ Jerusalén yiwidita,
do dayi babibʉta,
maʉ̃ra Daizezedeba zesi
akʉza korderodeba
maʉ̃ doyara bʉ bakurura dayi zok’ai babibʉta.
Apocalipsis akʉbʉrʉde
akʉra sãwũã jarabʉta ʉ̃ra zei ʉ̃rʉ,
ʉ̃rʉmabʉde ũdubidadeba
Génesis 3:15de jarabʉta.
Akʉra sãwũã Daizezeba zok’aita Jesura
ẽbẽra kayiruara makenamarẽã.
Akʉra sãwũã Daizezeba jarabʉra
aripe berabarita, nama egorode
akʉza ʉ̃tʉbida, Daizeze Nok’odeba.