JW subtitle extractor

Kèk bagay nou ka aprann
sou liv Jij la.
Se pwofèt Samyèl
ki te ekri liv Jij la,
e li te fin ekri l ozanviwon
ane 1100 anvan epòk nou an.
Liv Jij la kouvri yon peryòd
anviwon 330 an,
soti ane 1450
pou rive ozanviwon
ane 1120 anvan
epòk nou an.
Liv la sitou pale de gwo aksyon
jij yo te fè,
yon seri mesye Jewova te itilize
pou delivre pèp li a
anba moun
ki t ap toupizi yo.
Nan chapit 1 an,
nou wè Izrayelit yo pa t chase
moun lòt nasyon
ki pa t ap sèvi Jewova yo
nan peyi a.
Olye de sa,
yo te fè yo fè travay di
antanke esklav
Nan chapit 2 a,
yon zanj te avèti Izrayelit yo
lefètke yo pa t obeyi Jewova,
moun sa yo ki rete nan peyi a
t apral fè yo tonbe nan fo adorasyon.
Soti nan chapit 3
rive nan chapit 16
nou wè pawòl zanj lan te di yo
te kòmanse reyalize apre lanmò Jozye
ak moun ki te nan jenerasyon l lan.
vire tounen Izrayelit yo te tonbe
nan fo adorasyon.
Jewova te abandone yo
bay ènmi yo;
pèp la te kriye
nan pye Jewova
e Jewova te voye jij yo
pou delivre yo.
Non 12 jij yo se:
Otnyèl,
Ewoud,
Chanmga,
Barak,
Jedeyon,
Tola,
Jayi,
Jefte,
Ibzan,
Elon,
Abdon
ak Samson
Èske w te konnen?
Jij yo pale de yo nan liv sa a,
se te yon te seri mesye
ki te gen lafwa
ki te gide e ki te delivre
pèp Bondye a,
yo te wè Jewova kòm vrè Dirijan an
e kòm Sila a ki ka delivre yo a.
Se pa t jij tankou jij
ki nan tribinal yo jodi a.
Nan chapit 3 a,
jij Otnyèl ak jij Ewoud
te delivre Izrayelit yo nan esklavaj
anba men wa Mezopotami an
ak wa Mowab la
Nan chapit 4 la,
yon fi ki te pwofèt
ki rele Debora
te voye chèche yon mesye
ki te gen lafwa ki rele Barak.
Li fè l konnen Jewova ap ba l
laviktwa sou Sisera,
ki te chèf lame yon wa Kananeyen
ki rele Jaben,
ki t ap toupizi Izrayèl.
Jewova te lage tout lame Sisera a
nan men Barak.
Okenn gason pa t rete vivan.
se yon fi ki rele Jayèl
ki te touye Sisera.
Soti nan chapit 6
rive nan chapit 8,
Jewova te sèvi ak jij Jedeyon
ak sèlman 300 gason
pou pran latèt
nan delivre Izrayelit yo
anba men moun Madyan yo
ki t ap toupizi yo.
Chapit 11 ak chapit 12 la,
pale de gwo aksyon
jij Jefte te fè yo.
Avèk èd Jewova,
li te ranpòte laviktwa
sou moun Amon yo,
ki te met ansanm
ak moun Filisti yo
ki t ap toupizi Izrayèl
pandan 18 an.
Chapit 13 rive nan chapit 16,
dekri gwo aksyon jij Samson,
yon Nazireyen Jewova te bay
yon fòs estrawòdinè.
Samson te pran “latèt pou l sove
pèp Izrayèl la anba men
moun Filisti yo.”
Evènman yo rapòte soti nan chapit 17
rive nan chapit 21 an,
sanble te pase nan yon
peryòd anvan sa.
Nan chapit 17 la,
yon mesye ki soti nan tribi Efrayim
ki rele Mika,
te gen “yon kay
ki chaje ak fo dye”,
te pran yon jèn Levit ki rele Jonatan
pou sèvi l kòm prèt.
Sepandan,
Jonatan pa t soti
nan fanmi prèt yo.
Nan chapit 18 la,
plizyè santèn moun ki soti
nan tribi Dann,
ki te sou wout
pou y al pran tèritwa pou tribi yo a
te kanpe lakay Mika.
Yo vòlè dye l yo e yo pran Jonatan
pou sèvi yo kòm prèt.
Nan chapit 19
ak chapit 20 an,
mesye nan vil Gibeya
ki t ap viv nan tribi Benjamen an,
te komèt yon krim seksyèl
sou yon madanm sou kote
yon Levit te genyen.
Moun tribi Benjamen yo pa t vle
bay mesye ki te koupab yo.
Se konsa, lòt tribi yo te fè lagè
kont tribi Benjamen an,
e prèske tout tribi a te disparèt.
Pandan w ap li liv Jij la,
gade ki move bagay ki ka rive
moun ki kite Jewova yo,
gade ki jan Bondye gen
mizèrikòd pou pèp li a
lè yo repanti e yo
kriye nan pye l pou l ede yo
epi gade ki jan
nou ka gen konfyans
nan Jewova, gran Jij nou an,
pou delivre nou
anba men tout ènmi nou yo
pa mwayen Wayòm li an.

Kèk bagay nou ka aprann sou liv Jij la