JW subtitle extractor

Vatan-draha amy Jehovah
lafa tsy mivaliky aminy ty mpanompony,
sandraky lafa misy raha manahira.
Ino ty ataoni-Jehovah
lafa tsy mivaliky aminy tsika?
Tsy mivaliky amintsika koa ie,
sady mahafalifaly azy ty manao ani-zay.
Hoy ty Salamo 145:17 hoe:
‘Tsy mivaliky Jehovah amy ze kila raha ataony.’
Dikani-zay, tsy miovaova Jehovah,
azo atokisa avao ie,
sady tsy hafoiny mihintsy ty namany.
Ino ty tsapanao lafa mieritseritsy hoe
manoha anao Jehovah?
Tsy misy raha soa mandilatsy ani-zay!
Tsy mety tampitsy ty herini-Jehovah.
Parè hanampy ty vahoakiny ie,
sady vitany raha zay.
Mety soa zany laha manoha ani-Jehovah tsika.
Mahay ani-zay ty mpanomponi-Jehovah
ka tapa-kevitsy tsy hivaliky aminy rozy iaby,
na ty ankamaroany, amy voalohany.
Fe tsy mitovy ty hoe maniry
na mivola fa tsy hivaliky amy Ndranahary,
noho ty hoe tsy mivaliky vatany amy Ndranahary.
Samby handalo fitsapà tsika kiraidraiky,
ka ho hita laha tsy mivaliky amy Jehovah vatany.
Hanoha ani-Jehovah vatany va iha
lafa avy raha zay?
Mazava soa amintsika ty atao hoe tsy mivaliky
lafa dinihy ty raha niseho tamy liomonto Sinay eo,
laha vo niala ani-Ejipta Israelita reo.
Tapa-kevitsy tsy hivaliky amy Ndranahary
tse vahoakiny reo, tamy voalohany.
Nanao fifanekea taminy rozy,
le nivoady fa tsy hivaliky aminy.
Nampitamà koa Jehovah hoe
tsy hivaliky amin-drozy mihintsy.
Ino ty ianarantsika baka amy tantara io?
Ndao tsika hijanjy ty famakia Eksodosy 20:1-7.
Le nivola safà iaby retoa Ndranahary,
ka nanao hoe:
Zaho ro Jehovah Ndranaharinao,
azy nanday anao niboaky baka a Ejipta any iny,
baka amy trano fanandevoza any.
Ka mana ndranahary hafa hirafy amiko.
Ka manao sary sokitsy ho anao,
na raha mitovy pozy amy ty raha
an-danitsy anabo eny
na an-tany ambany etoy,
na anaty rano ambany tany any.
Ka miankohoky alohany eo,
na maneky ho voatariky hanompo azy,
satria zaho Jehovah Ndranaharinao,
le Ndranahary mitaky ty hanompoa ahy raiky avao.
Ka laha misy baba malay ahy,
le hosazìko amy ty hadisoany ty anany
noho ty zafiny voho ty zafiafiny.
Fa ze tea ahy noho manoriky ty didiko,
le hampisehoako fitiava tsy miovaova,
ndre zisiky amy taranakiny faharivo aza.
Ka mivazavaza ty anarani-Jehovah Ndranaharinao,
fa tsy hengàny amy zao avao
ze mivazavaza ty anarany.
Mba somary eritsereto moa ty raha niseho.
Vo telo vola lasa zay,
le nahita ty Loza Folo nalefani-Jehovah
tamy Ejipta vahoakiny reo
sady nampeany hiampita Riaky Mena iny.
Amy vohitsy Sinay eo rozy henanizao.
Mihozonkozo vohitsy iny sady tera-tsetroky,
misy hiboky matevy ty anabony eo,
misy hotroky noho helatsy,
sady ataho raha misy
feon’antsiva marè tsy mienieny.
Nivola amy zay Jehovah
fa laha manompo azy raiky avao vahoakiny reo,
le hampiseho “fitiava tsy miovaova” amin-drozy ie,
zany hoe tsy hivaliky.
Sahala nifanta Jehovah hoe:
‘Laha manoha ahy nareo,
le hanoha anareo koa aho.’
Akory ty namalean’Israelita reo ani-zay?
Ndao arahintsika ty famakia Eksodosy 24:3-18.
Niavy amy zay Mosesy,
le nivolaniny tamy vahoaky rey
ty safàni-Jehovah iaby
noho ty didy iaby haboaky amy fitsarà
Le niaraky namaly ty olo hoe:
Parè zahay,
hataonay iaby ze raha nivolanini-Jehovah.
Le nisoratini-Mosesy iaby
ze raha nivolanini-Jehovah.
Bakeo nifoha maray ie,
ka nanory alitara tam-potoni-vohitsy iny eo,
sady nanao tsangambato folo roe amby
mifanandrify amy ty foko folo roamby amy Israely.
Tafarani-zay, le naniraky mpamaraky Israelita ie,
le nanao fanatitsy oroa
noho namono aomby hatao soro iharoa
ho ani-Jehovah rozy.
Bakeo nalàni-Mosesy ty antsasany amy lio iny,
ka nataony anaty finga boly,
le ty antsasany napitsipitsiny anaboni-alitara eo.
Bakeo,
nalàny ty bokini-fifanekea
le nivakìny marè tamy vahoaky teo
Le nivola rozy hoe:
Parè hanoriky noho hanao
ze raha iaby nivolanini-Jehovah zahay.
Nalàni-Mosesy amy zay lio iny,
le napitsipitsiny tamy vahoaky teo
sady nivola ie hoe:
Toy ty lioni-fifanekea nataoni-Jehovah taminareo,
amy raha iaby nivolaniny zay.
Le niakatsy Mosesy noho Arona, Nadaba noho Abiho,
noho ty fitopolo lahy tamy anti-panahin’Israely.
Le nihitan-drozy ty Ndranaharin’Israely.
Tambany tombony eo,
le nisy raha atao ho safira pisaky natao rarivato,
sady malio sahala amy lanitsy io.
Tsy nikasi-tana ty lahilahy manan-kaja
tamy Israely rey ie.
Nahazo fahità a Ndranahary vatany iny rozy
sady nihina noho nino.
Le hoy amy zay Jehovah tamy Mosesy:
Miakara amiko am-bohitsy atoy le mijanòna atoy,
fa teako hamea anao takela-bato misy ty lalàna
noho didy hosoratiko, mba hampianara an-drozy.
Nitsanga amy zay Mosesy noho Josoa mpanompony,
le Mosesy ro nandeha amy vohitsi-Ndranahary ao.
Fe nivola tamy anti-panahy reo ie hoe:
Andiniso eto zahay,
zisiky impolianay aminareo eto.
Ndreo Arona noho Hora.
Mamonjea an-drozy ze manan-draha hotsarà.
Bakeo niakatsy amy vohitsy iny ao Mosesy.
Mbo nisaronani-rahona vohitsy iny tamy zay.
Nipetraky tamy vohitsy Sinay eo
ty voninahitsini-Jehovah.
Le voasaroni-rahona tao vohitsy iny
tanatini-enin’andro.
Tamy andro fahafito,
le nikaiky ani-Mosesy tanivoni-rahona ao ie.
Atao ho afo manorotoro
ty fahitàni-anakin’Israely rey
ty voninahitsini-Jehovah anaboni-vohitsy eny.
Nilitsy tanivoni-rahona iny ao amy zay Mosesy
le mbo niakatsy amy vohitsy iny.
Nijano efapolo andro noho efapolo haly
tam-bohitsy ao Mosesy.
Hafalean-draha Israelita reo!
Alohan-drozy eo Ndranahary marina iny,
sady manao fifanekea amin-drozy.
Ren-drozy koa fa mampitamà Jehovah hoe
tsy hivaliky amin-drozy.
Nivola ie amy Eksodosy 19:5 ao hoe:
“Laha manoriky soa ty safàko nareo
sady manaja ty fifanekea hataoko aminareo,
le ho hananako manoka voafily
baka amy firenena iaby nareo,
satria ahy iaby tany toy.”
Tsy mahatseriky
laha tena tapa-kevitsy Israelita reo hoe
hanoriky ty safàni-Jehovah
sady tsy hivaliky aminy mihintsy.
Niaraky namaly rozy hoe:
“Parè hanao noho hanoriky
ze raha iaby nivolanini-Jehovah zahay.”
Fe fa nivolany tamy voalohany teny,
fa tsy mitovy ty hoe
maniry na mivola fa tsy hivaliky amy Ndranahary
noho ty hoe tsy mivaliky amy Ndranahary vatany.
Nirentsika teo fa tapa-kevitsy
tsy hivaliky amy Ndranahary vatany Israelita reo.
Fe tsy nivaliky vatany va rozy
lafa nisy fitsapà tsy nampoizy?
Ndao hohenteantsika ty tohini-tantara io
amy Eksodosy 32:1-35.
Tanatini-fotoa zay,
lafa nihitan’olo rey
fa niela tam-bohitsy any Mosesy,
le nivorivory tamy Arona eo rozy, sady nivola hoe:
Manamboara ndranahary ho antsika,
mba hitariky antsika,
fa tsy hay ty raha nahazo ani-Mosesy,
azy nanday antsika baka a Ejipta any iny.
Le nivola amin-drozy Arona hoe:
Alao moa kiviro volamena an-tsofini-valinareo
noho amy anakilahinareo
noho anakampelanareo eny rey,
le andeso bakao.
Nalàn’olo rey amy zay
volamena tan-tsofin-drozy eny rey,
le nandesin-drozy tamy Arona any.
Bakeo nirambesini-Arona volamena rey
ka namboariny tamy fandraky.
Le namboatsy sarivongana anak’aomby
tamy volamena nitranahy rey ie.
Nivola amy zay rozy hoe:
Nao Israely,
ingo ty Ndranaharinao
azy nanday anao baka a Ejipta any iny.
Nanory alitara talohani-anak’aomby iny eo Arona
lafa nahita ani-zay.
Bakeo nikaiky marè ie hoe:
Hisy fety ho ani-Jehovah hamaray.
Nifoha maray rozy hamarain’iny,
le nanolotsy fanatitsy oroa noho soro iharoa.
Tafarani-zay,
le nipetraky ty olo mba hihina noho hino,
bakeo nitsanga rozy mba hifalifaly.
Le hoy Jehovah tamy Mosesy:
Mandehana mijotso,
fa manao raha raty
olo nandesinao baka a Ejipta any rey.
Nalaky niala tamy lala
nampandehanako an-drozy iny rozy.
Namboatsy sarivongana anak’aomby
tamy volamena nitranahy rozy,
le miankohoky alohany eo noho manao soro ho azy,
sady mivola hoe:
“Nao Israely,
ingo Ndranaharinao
nanday anao baka a Ejipta any iny.”
Le hoy koa Jehovah tamy Mosesy:
Hitako fa vahoaky maheriloha vahoaky io.
Engào heloky marè amin-drozy amy zay aho,
ka haripako rozy.
Le hataoko firenena bevata iha.
Nanambitamby ani-Jehovah Ndranahary Mosesy,
ka nivola hoe:
Nao lahy Jehovah,
nanino iha ro meloky marè amy olonao reo,
lafa baka nandesinao niboaky baka a Ejipta any
tamy hery bevata noho tana mahery rozy?
Nanino ro engànao hivola Ejipsianina reo hoe:
“Ta hanao raty amin-drozy ie
ka zay nampiboahany
an-drozy baka amintsika atoy io,
mba hamonoany an-drozy am-bohitsy any noho
handripahany an-drozy tsy ho ambony tany etoy”?
Ka meloky marè sasy lahy,
le mba aneneno ty raha raty
ho nataonao amy olonao reo.
Tiarovo Abrahama noho Isaka
voho Israely mpanomponao,
azy nifantànao tamy ty vatanao rey hoe:
“Hataoko maro manahaky basia amy lanitsy eny rey
ty taranakinareo.
Le hameako ho lovani-taranakinareo
tany iaby fa nivolaniko aminareo io,
mba ho an-drozy anatini-fotoa tsy voafaritsy.”
Le nanenenani-Jehovah ty raha raty iaby nivolaniny
fa hataony amy olony reo.
Bakeo nimpoly Mosesy
le nijotso baka am-bohitsy any,
tan-tanany eny ty takela-bato roe
misy ty Safàni-Vavolombelo.
Samby nisy soratsy ty ilany roe
tamy takela-bato reo,
zany hoe ambaliky noho ambaliky.
Asa tana-Ndranahary takela-bato reo,
sady soratsi-Ndranahary
ty soratsy nipetaky taminy eo.
Lafa nirèni-Josoa tabataban’olo nikaikaiky rey,
le nivola tamy Mosesy ie hoe:
Tabataban’aly an-toby ao zao!
Fe hoy Mosesy:
Tsy hiran’olo nahazo fandresea bevata zao,
sady tsy hiran’olo resy.
Hira hafa mihintsy rèko zao.
Niavy tanilani-toby eo amy zay Mosesy.
Lafa nahita ani-anak’aomby iny
noho olo rey nitsinjaky ie,
le neloky marè.
Avy le natontany takela-bato tan-tanany teny rey,
ka nivakivakiny tam-potoni-vohitsy iny eo.
Bakeo nalàny anak’aomby nataon-drozy iny
noroany
sady nitorotoroeny hanjary lemboky.
Nasindrakiny amy rano eny amy zay raha rey,
le nampinominy ani-Israelita reo.
Tafarani-zay, le hoy Mosesy tamy Arona:
Ino loatsy ty raha nataoni-vahoaky toy anao
ka le nahavy anao hampilitsy
an-drozy amy fahotà bevata toy?
Namaly Arona hoe:
Ka meloky marè lahy tompoko.
Hainao soa fa malaky manao raty vahoaky toy.
Nivola tamiko rozy hoe:
“Manamboara ndranahary ho antsika
hitariky antsika,
fa tsy hay ze raha nahazo ani-Mosesy,
azy nanday antsika baka Ejipta any iny.”
Nivola tamin-drozy amy zay aho hoe:
“Ia iaby ty mana volamena?
Apotaho, le andeso bakao.”
Bakeo natorako tanaty afo ao raha rey,
le anak’aomby io ro niboaky bakao.
Hitani-Mosesy fa nanaram-po marè ty olo,
satria nengàni-Arona hanaram-po
mba hahavy an-drozy ho afa-baraka
amasoni-fahavalon-drozy eo.
Farany,
nandeha am-bavahadini-toby eo Mosesy
ka nivola hoe:
Ia ty manoha ani-Jehovah?
Avia bakao!
Le nivory taminy eny iaby ty Levita.
Nivola tamin-drozy amy zay ie hoe:
Hoy ty asani-Jehovah Ndranaharin’Israely:
“Samby ataovo am-banianareo eo ty sabatsinareo,
le milira hamakivaky ty toby
ka tetezo ty vavahady iaby.
Le vonò ty rahalahinareo
noho ty olo tanà raiky aminareo
voho ty namanareo marìny.”
Le nataoni-Levita reo ty raha nivolanini-Mosesy,
ka lahilahy telo arivo teo ho eo tamy vahoaky
ro nimaty tamy andro iny.
Bakeo nivola Mosesy hoe:
Hatanjaho ty vatanareo androany
hanompoa ani-Jehovah,
fa samby namono ty anakinareo
noho ty rahalahinareo iaby nareo,
mba hanomezany fitahia anareo.
Nivolanini-Mosesy vahoaky rey hamarain’iny hoe:
Fa nanao fahotà bevata nareo.
Ka hiakatsy amy Jehovah any aho androany.
Vasa mba ho afaky hanao fandimbofam-pahotà
ho anareo avao aho.
Nimpoly nana amy Jehovah any amy zay Mosesy,
ka nanao hoe:
Ah! Bevata ty fahotà nataoni-vahoaky reo!
Nanao ndranahary volamena ho an-drozy rozy!
Fe laha teanao, le mba engào ty fahotàn-drozy.
Fa laha tsy zay,
le fafao amy boky nisoratinao ao lahy ty anarako!
Fe hoy Jehovah tamy Mosesy:
Ty anarani-ze nanota avao
ro hofafàko amy bokiko io ao.
Mandehana,
andeso amy pilasy fa nivolaniko
aminao iny any vahoaky reo.
Ingy anjeliko iny handeha alohanao eo.
Fa amy andro hanasaziako
ro hanasaziako an-drozy amy ty fahotàn-drozy.
Le nahavy loza tamy vahoaky rey Jehovah,
satria nampamboatsy anak’aomby ani-Arona rozy.
Le atao raha ho tapa-kevitsy
tsy hivaliky amy Jehovah Israelita reo!
Kay hondy nihena ty finoan-drozy
lafa tsy nihitan-drozy Mosesy.
Niasa loha rozy lafa nijano
somary elaela tanabo Vohitsy Sinay any ie.
Vasa natahotsy rozy io hoe nengàni-Mosesy,
na ataon-drozy ho nimaty am-bohitsy any ie!
Nieritseritsy Israelita reo
fa ho tavela an-diomonto any satria
tsy eo sasy mpitariky natokisan-drozy iny.
Ho hita eto laha mbo tsy mivaliky rozy.
Laha tsy nivaliky vatany Israelita reo
le ho nataon-drozy ze hanaporofoa
Fa Jehovah raiky avao ro tompoen-drozy
ndre eo ty fahasahiràna.
Fe naleon-drozy nifalifaly, nihina noho nino,
noho nanao fombafombani-mpanompo sampy
soa tsy hiasa loha sasy.
Le sakin-drozy amin’io ty nivola hoe
“fety ho ani-Jehovah” raha iny!
Namita-bata koa rozy,
fa nao Jehovah anak’aomby volamena iny.
Ndre fa manompo sampy rozy
le mbo nieritseritsy hoe
tsy mivaliky amy Jehovah!
Naniry tsy hivaliky amy Jehovah rozy
sady nivola hoe tsy nivaliky
fe nanompo anak’aomby volamena iny.
Ka nanao akory ty fahitàni-Jehovah an-drozy
noho ty fanompoan-drozy?
“Nanao raty” hoasani-Jehovah rozy,
sady “niala” fa tsy nanao ty sitrapony.
“Neloky marè” Jehovah,
ka nanapa-kevitsy handripaky
ani-firenena vo niforo io
satria nivaliky aminy.
Fe tsy Israelita reo iaby
ro nivaliky tamy Jehovah.
Tapa-kevitsy hanohitsy ani-mpanompo sampy reo
mihintsy, ohatsy, Mosesy.
“Nalàny anak’aomby namboarin-drozy iny
le noroany bakeo notorotoroeny ho lemboky.”
Bakeo nitsanga am-bavahadini-toby eo ie,
sady nivola hoe:
“Ia ze manoha ani-Jehovah? Avia bakao!”
Le namonjy azy iaby Levita rey!
Tsy nivaliky tamy Jehovah koa rozy.
Nivonoan-drozy tamy sabatsy mpanompo sampy rey
ndre longon-drozy noho olo zatsy an-drozy aza!
Nanoha ani-Jehovah vatany Mosesy noho Levita reo.
Farany tsy nivaliky amin-drozy koa Jehovah.
Tsy nivaliky tamy Abrahama,
Isaka, noho Jakoba namany koa Jehovah
ka nitiaroviny ty raha nampitamàniny an-drozy
sady tsy naravany ty Israelita.
Manoha ze olo tsy mivaliky aminy vatany Jehovah.
Ndao harahintsika ty tampany farany
amy famakia Baiboly toy,
baka amy Eksodosy 34:1-14.
Bakeo hoy Jehovah tamy Mosesy:
Manamboara takela-bato roe
mitovy tamy azy voalohany rey,
fa hosoratiko eo safàko tamy
takela-bato voalohany nivakivakinao rey.
Le miomàna
fa hiakatsy an-tamponi-Vohitsy Sinay any iha
hamaray maraindray, ka hiaraky amiko.
Fe tsy misy olo mahazo miaraky miakatsy aminao.
Ao koa tsy hisy olo hafa
ho hita mbamy vohitsy io eny.
Tsy tokony hisy aondry
na aomby
hihina akata koa anilani-vohitsy io eny.
Namboatsy takela-bato roe
mitovy tamy azy voalohany rey amy zay Mosesy.
Nifoha maray ie
le niakatsy anabo vohitsy Sinay any,
araky ty nandidiani-Jehovah azy.
Le nandesiny takela-bato roe rey.
Bakeo, nijotso tanatini-rahona tao Jehovah.
Niaraky tamy Mosesy eo ie
ka nanambara ty anarani-Jehovah.
Le nandalo talohani-Mosesy eo Jehovah
sady nivola hoe:
Jehovah, Jehovah,
Ndranahary mamindra fo noho soa fanahy,
tsy mora meloky, be fitiava tsy miovaova
sady tea fahamarina,
manajary fitiava tsy miovaova
ho ani-taranaky an’arivony,

manenga hadisoa noho heloky voho fahotà,
fe sanatria azy ty tsy hanasazy ze tokony hosazỳ,
fa hosazìny amy ty hadisoany ty baba
noho ty anakiny noho ty zafiny voho ty zafiafiny.
Avy le niondriky tamy tany Mosesy sady niankohoky.
Bakeo nivola ie hoe:
Nao lahy Jehovah,
laha mahazo hatò aminao aho,
le ndao hiaraky aminay, Jehovah,
fa maheriloha vahoaky toy!
Engào ty hadisoanay
noho ty fahotànay,
le rambeso ho fanananao zahay.
Le namaly ie hoe:
Zao ty fifanekea ataoko:
Amasoni-olonao iaby ro hanaovako raha mahatseriky
mbo tsy natao tamy tany iaby na firenena iaby.
Le hahita ty asani-Jehovah
ty olo iaby manodidy anareo,
fa raha mampatahotsy ro hataoko amasonareo eo.
Tandremo iaby ze raha andidiako anao androany.
Horoasiko tsy ho aminao eo ty Amorita
noho ty Kananita noho ty Hetita
noho ty Perizita noho ty Hivita voho ty Jebosita.
Ka le mitandrema soa iha,
mba tsy hanao fifanekea amin’olo
amy tany handehananao iny any,
tsy no ho fandriky ho anao raha zay.
Akopaho ty alitaran-drozy,
torotorò ty tsangambaton-drozy masy,
le tampatampaho ty tsato-kazon-drozy masy.
Ka miankohoky amy ndranahary hafa,
satria Ndranahary mamarahy ro ahaiza ani-Jehovah.
Eka, mitaky ty hanompoa azy raiky avao ie.
Ino ty ianarantsika baka amy tantara iny?
Tsy ampy ty hoe maniry tsy hivaliky amy Jehovah.
Mety ho voafitakini-tontolo toy tsika
ka hieritseritsy hoe
mbo tsy mivaliky amy Jehovah avao
ndre fa tsy manaraky ty torolalany aza.
Kanefa teani-Jehovah
laha ‘ie raiky avao ro tompoentsika.’
Marina fa tsy maintsy hiatriky raha sarotsy tsika.
Mety hisy raha tsy milamy tampoky
ohatsy ty an-trano ao,
na sahira amy resaky drala tsika
na marary mafy.
Mety hanao raha nampeloky antsika koa
ty mpiara-manompo.
Fe tiarovo avao
fa tsy hamaha raha manahira iny mihintsy
ty fandikà ty torolalani-Jehovah.
Fa laha manoha ani-Jehovah vatany tsika,
le hahazo fitahia.
Azo antoky raha zay
satria tsy mivaliky mihintsy Jehovah.
Mampitamà ie fa
hampisehoany “fitiava tsy miovaova”
ze olo “manompo azy raiky avao.”
Sahala mivola amintsika Jehovah hoe:
‘Laha manoha ahy nareo, le hanoha anareo koa aho.’
Nivakỳ teo lehany hoe
“hanao raha mahatseriky” ho ani-vahoakiny Jehovah.
“Ndranahary mamindra fo
noho soa fanahy” vatany ie,
“tsy mora meloky, sady mana fitiava tsy miovaova,”
zany hoe tsy mivaliky.

"Ia ty Manoha ani-Jehovah?" (Eksodosy 20:1-7; 24:3-18; 32:1-35; 34:1-14)
- 

"Ia ty Manoha ani-Jehovah?" (Eksodosy 20:1-7; 24:3-18; 32:1-35; 34:1-14)

Vatan-draha amy Jehovah 
lafa tsy mivaliky aminy ty mpanompony, 
sandraky lafa misy raha manahira. 
Ino ty ataoni-Jehovah 
lafa tsy mivaliky aminy tsika? 
Tsy mivaliky amintsika koa ie,
sady mahafalifaly azy ty manao ani-zay. 
Hoy ty Salamo 145:17 hoe:
‘Tsy mivaliky Jehovah amy ze kila raha ataony.’ 
Dikani-zay, tsy miovaova Jehovah,
azo atokisa avao ie, 
sady tsy hafoiny mihintsy ty namany. 
Ino ty tsapanao lafa mieritseritsy hoe
 manoha anao Jehovah? 
Tsy misy raha soa mandilatsy ani-zay! 
Tsy mety tampitsy ty herini-Jehovah. 
Parè hanampy ty vahoakiny ie,
sady vitany raha zay. 
Mety soa zany laha manoha ani-Jehovah tsika. 
Mahay ani-zay ty mpanomponi-Jehovah 
ka tapa-kevitsy tsy hivaliky aminy rozy iaby,
na ty ankamaroany, amy voalohany.
Fe tsy mitovy ty hoe maniry 
na mivola fa tsy hivaliky amy Ndranahary,
noho ty hoe tsy mivaliky vatany amy Ndranahary. 
Samby handalo fitsapà tsika kiraidraiky, 
ka ho hita laha tsy mivaliky amy Jehovah vatany. 
Hanoha ani-Jehovah vatany va iha 
lafa avy raha zay? 
Mazava soa amintsika ty atao hoe tsy mivaliky 
lafa dinihy ty raha niseho tamy liomonto Sinay eo,
laha vo niala ani-Ejipta Israelita reo. 
Tapa-kevitsy tsy hivaliky amy Ndranahary
 tse vahoakiny reo, tamy voalohany. 
Nanao fifanekea taminy rozy,
le nivoady fa tsy hivaliky aminy. 
Nampitamà koa Jehovah hoe 
tsy hivaliky amin-drozy mihintsy. 
Ino ty ianarantsika baka amy tantara io? 
Ndao tsika hijanjy ty famakia Eksodosy 20:1-7. 
Le nivola safà iaby retoa Ndranahary,
ka nanao hoe:
Zaho ro Jehovah Ndranaharinao, 
azy nanday anao niboaky baka a Ejipta any iny,
baka amy trano fanandevoza any. 
Ka mana ndranahary hafa hirafy amiko. 
Ka manao sary sokitsy ho anao,
na raha mitovy pozy amy ty raha
 an-danitsy anabo eny
na an-tany ambany etoy, 
na anaty rano ambany tany any. 
Ka miankohoky alohany eo,
na maneky ho voatariky hanompo azy,
satria zaho Jehovah Ndranaharinao, 
le Ndranahary mitaky ty hanompoa ahy raiky avao. 
Ka laha misy baba malay ahy, 
le hosazìko amy ty hadisoany ty anany
 noho ty zafiny voho ty zafiafiny. 
Fa ze tea ahy noho manoriky ty didiko,
le hampisehoako fitiava tsy miovaova,
ndre zisiky amy taranakiny faharivo aza. 
Ka mivazavaza ty anarani-Jehovah Ndranaharinao,
fa tsy hengàny amy zao avao
ze mivazavaza ty anarany. 
Mba somary eritsereto moa ty raha niseho. 
Vo telo vola lasa zay, 
le nahita ty Loza Folo nalefani-Jehovah
 tamy Ejipta vahoakiny reo
sady nampeany hiampita Riaky Mena iny. 
Amy vohitsy Sinay eo rozy henanizao. 
Mihozonkozo vohitsy iny sady tera-tsetroky,
misy hiboky matevy ty anabony eo, 
misy hotroky noho helatsy,
sady ataho raha misy
 feon’antsiva marè tsy mienieny. 
Nivola amy zay Jehovah
fa laha manompo azy raiky avao vahoakiny reo, 
le hampiseho “fitiava tsy miovaova” amin-drozy ie,
zany hoe tsy hivaliky. 
Sahala nifanta Jehovah hoe:
‘Laha manoha ahy nareo, 
le hanoha anareo koa aho.’ 
Akory ty namalean’Israelita reo ani-zay? 
Ndao arahintsika ty famakia Eksodosy 24:3-18.
Niavy amy zay Mosesy, 
le nivolaniny tamy vahoaky rey
 ty safàni-Jehovah iaby
noho ty didy iaby haboaky amy fitsarà
Le niaraky namaly ty olo hoe:
Parè zahay, 
hataonay iaby ze raha nivolanini-Jehovah.
Le nisoratini-Mosesy iaby
 ze raha nivolanini-Jehovah.
Bakeo nifoha maray ie,
ka nanory alitara tam-potoni-vohitsy iny eo,
sady nanao tsangambato folo roe amby 
mifanandrify amy ty foko folo roamby amy Israely.
Tafarani-zay, le naniraky mpamaraky Israelita ie,
le nanao fanatitsy oroa 
noho namono aomby hatao soro iharoa
 ho ani-Jehovah rozy.
Bakeo nalàni-Mosesy ty antsasany amy lio iny,
ka nataony anaty finga boly,
le ty antsasany napitsipitsiny anaboni-alitara eo.
Bakeo,
nalàny ty bokini-fifanekea
le nivakìny marè tamy vahoaky teo
Le nivola rozy hoe:
Parè hanoriky noho hanao 
ze raha iaby nivolanini-Jehovah zahay.
Nalàni-Mosesy amy zay lio iny, 
le napitsipitsiny tamy vahoaky teo 
sady nivola ie hoe:
Toy ty lioni-fifanekea nataoni-Jehovah taminareo,
amy raha iaby nivolaniny zay.
Le niakatsy Mosesy noho Arona, Nadaba noho Abiho,
noho ty fitopolo lahy tamy anti-panahin’Israely. 
Le nihitan-drozy ty Ndranaharin’Israely.
Tambany tombony eo, 
le nisy raha atao ho safira pisaky natao rarivato,
sady malio sahala amy lanitsy io. 
Tsy nikasi-tana ty lahilahy manan-kaja
tamy Israely rey ie.
Nahazo fahità a Ndranahary vatany iny rozy
sady nihina noho nino. 
Le hoy amy zay Jehovah tamy Mosesy:
Miakara amiko am-bohitsy atoy le mijanòna atoy,
fa teako hamea anao takela-bato misy ty lalàna
 noho didy hosoratiko, mba hampianara an-drozy.
Nitsanga amy zay Mosesy noho Josoa mpanompony,
le Mosesy ro nandeha amy vohitsi-Ndranahary ao.
Fe nivola tamy anti-panahy reo ie hoe:
Andiniso eto zahay,
zisiky impolianay aminareo eto.
Ndreo Arona noho Hora. 
Mamonjea an-drozy ze manan-draha hotsarà.
Bakeo niakatsy amy vohitsy iny ao Mosesy. 
Mbo nisaronani-rahona vohitsy iny tamy zay. 
Nipetraky tamy vohitsy Sinay eo 
ty voninahitsini-Jehovah. 
Le voasaroni-rahona tao vohitsy iny
 tanatini-enin’andro. 
Tamy andro fahafito,
le nikaiky ani-Mosesy tanivoni-rahona ao ie. 
Atao ho afo manorotoro 
ty fahitàni-anakin’Israely rey 
ty voninahitsini-Jehovah anaboni-vohitsy eny.
Nilitsy tanivoni-rahona iny ao amy zay Mosesy
le mbo niakatsy amy vohitsy iny.
Nijano efapolo andro noho efapolo haly 
tam-bohitsy ao Mosesy.
Hafalean-draha Israelita reo! 
Alohan-drozy eo Ndranahary marina iny,
sady manao fifanekea amin-drozy. 
Ren-drozy koa fa mampitamà Jehovah hoe
tsy hivaliky amin-drozy. 
Nivola ie amy Eksodosy 19:5 ao hoe: 
“Laha manoriky soa ty safàko nareo 
sady manaja ty fifanekea hataoko aminareo,
le ho hananako manoka voafily 
baka amy firenena iaby nareo,
satria ahy iaby tany toy.”
Tsy mahatseriky 
laha tena tapa-kevitsy Israelita reo hoe
hanoriky ty safàni-Jehovah 
sady tsy hivaliky aminy mihintsy. 
Niaraky namaly rozy hoe: 
“Parè hanao noho hanoriky 
ze raha iaby nivolanini-Jehovah zahay.”
Fe fa nivolany tamy voalohany teny,
fa tsy mitovy ty hoe
maniry na mivola fa tsy hivaliky amy Ndranahary
noho ty hoe tsy mivaliky amy Ndranahary vatany.
Nirentsika teo fa tapa-kevitsy 
tsy hivaliky amy Ndranahary vatany Israelita reo.
Fe tsy nivaliky vatany va rozy
lafa nisy fitsapà tsy nampoizy?
Ndao hohenteantsika ty tohini-tantara io
amy Eksodosy 32:1-35.
Tanatini-fotoa zay, 
lafa nihitan’olo rey 
fa niela tam-bohitsy any Mosesy,
le nivorivory tamy Arona eo rozy, sady nivola hoe:
Manamboara ndranahary ho antsika,
mba hitariky antsika,
fa tsy hay ty raha nahazo ani-Mosesy,
azy nanday antsika baka a Ejipta any iny.
Le nivola amin-drozy Arona hoe:
Alao moa kiviro volamena an-tsofini-valinareo
noho amy anakilahinareo 
noho anakampelanareo eny rey, 
le andeso bakao.
Nalàn’olo rey amy zay 
volamena tan-tsofin-drozy eny rey,
le nandesin-drozy tamy Arona any.
Bakeo nirambesini-Arona volamena rey 
ka namboariny tamy fandraky.
Le namboatsy sarivongana anak’aomby
tamy volamena nitranahy rey ie.
Nivola amy zay rozy hoe:
Nao Israely,
ingo ty Ndranaharinao 
azy nanday anao baka a Ejipta any iny.
Nanory alitara talohani-anak’aomby iny eo Arona 
lafa nahita ani-zay.
Bakeo nikaiky marè ie hoe:
Hisy fety ho ani-Jehovah hamaray.
Nifoha maray rozy hamarain’iny,
le nanolotsy fanatitsy oroa noho soro iharoa.
Tafarani-zay,
le nipetraky ty olo mba hihina noho hino, 
bakeo nitsanga rozy mba hifalifaly. 
Le hoy Jehovah tamy Mosesy:
Mandehana mijotso,
fa manao raha raty 
olo nandesinao baka a Ejipta any rey.
Nalaky niala tamy lala 
nampandehanako an-drozy iny rozy.
Namboatsy sarivongana anak’aomby
tamy volamena nitranahy rozy, 
le miankohoky alohany eo noho manao soro ho azy,
sady mivola hoe:
“Nao Israely, 
ingo Ndranaharinao 
nanday anao baka a Ejipta any iny.”
Le hoy koa Jehovah tamy Mosesy:
Hitako fa vahoaky maheriloha vahoaky io.
Engào heloky marè amin-drozy amy zay aho,
ka haripako rozy.
Le hataoko firenena bevata iha.
Nanambitamby ani-Jehovah Ndranahary Mosesy,
ka nivola hoe:
Nao lahy Jehovah,
nanino iha ro meloky marè amy olonao reo,
lafa baka nandesinao niboaky baka a Ejipta any
tamy hery bevata noho tana mahery rozy?
Nanino ro engànao hivola Ejipsianina reo hoe:
“Ta hanao raty amin-drozy ie 
ka zay nampiboahany
 an-drozy baka amintsika atoy io,
mba hamonoany an-drozy am-bohitsy any noho 
handripahany an-drozy tsy ho ambony tany etoy”?
Ka meloky marè sasy lahy, 
le mba aneneno ty raha raty 
ho nataonao amy olonao reo.
Tiarovo Abrahama noho Isaka
voho Israely mpanomponao,
azy nifantànao tamy ty vatanao rey hoe: 
“Hataoko maro manahaky basia amy lanitsy eny rey
 ty taranakinareo. 
Le hameako ho lovani-taranakinareo 
tany iaby fa nivolaniko aminareo io,
mba ho an-drozy anatini-fotoa tsy voafaritsy.”
Le nanenenani-Jehovah ty raha raty iaby nivolaniny 
fa hataony amy olony reo.
Bakeo nimpoly Mosesy 
le nijotso baka am-bohitsy any,
tan-tanany eny ty takela-bato roe
misy ty Safàni-Vavolombelo.
Samby nisy soratsy ty ilany roe
 tamy takela-bato reo,
zany hoe ambaliky noho ambaliky.
Asa tana-Ndranahary takela-bato reo,
sady soratsi-Ndranahary 
ty soratsy nipetaky taminy eo. 
Lafa nirèni-Josoa tabataban’olo nikaikaiky rey,
le nivola tamy Mosesy ie hoe:
Tabataban’aly an-toby ao zao! 
Fe hoy Mosesy:
Tsy hiran’olo nahazo fandresea bevata zao, 
sady tsy hiran’olo resy.
Hira hafa mihintsy rèko zao.
Niavy tanilani-toby eo amy zay Mosesy.
Lafa nahita ani-anak’aomby iny
 noho olo rey nitsinjaky ie,
le neloky marè.
Avy le natontany takela-bato tan-tanany teny rey,
ka nivakivakiny tam-potoni-vohitsy iny eo.
Bakeo nalàny anak’aomby nataon-drozy iny
noroany
 sady nitorotoroeny hanjary lemboky.
Nasindrakiny amy rano eny amy zay raha rey,
le nampinominy ani-Israelita reo.
Tafarani-zay, le hoy Mosesy tamy Arona:
Ino loatsy ty raha nataoni-vahoaky toy anao 
ka le nahavy anao hampilitsy
 an-drozy amy fahotà bevata toy?
Namaly Arona hoe:
Ka meloky marè lahy tompoko. 
Hainao soa fa malaky manao raty vahoaky toy.
Nivola tamiko rozy hoe:
“Manamboara ndranahary ho antsika
 hitariky antsika, 
fa tsy hay ze raha nahazo ani-Mosesy, 
azy nanday antsika baka Ejipta any iny.”
Nivola tamin-drozy amy zay aho hoe:
“Ia iaby ty mana volamena? 
Apotaho, le andeso bakao.”
Bakeo natorako tanaty afo ao raha rey,
le anak’aomby io ro niboaky bakao.
Hitani-Mosesy fa nanaram-po marè ty olo,
satria nengàni-Arona hanaram-po
mba hahavy an-drozy ho afa-baraka 
amasoni-fahavalon-drozy eo.
Farany,
nandeha am-bavahadini-toby eo Mosesy
 ka nivola hoe:
Ia ty manoha ani-Jehovah?
Avia bakao!
Le nivory taminy eny iaby ty Levita.
Nivola tamin-drozy amy zay ie hoe:
Hoy ty asani-Jehovah Ndranaharin’Israely: 
“Samby ataovo am-banianareo eo ty sabatsinareo,
le milira hamakivaky ty toby 
ka tetezo ty vavahady iaby.
Le vonò ty rahalahinareo 
noho ty olo tanà raiky aminareo 
voho ty namanareo marìny.”
Le nataoni-Levita reo ty raha nivolanini-Mosesy, 
ka lahilahy telo arivo teo ho eo tamy vahoaky
ro nimaty tamy andro iny. 
Bakeo nivola Mosesy hoe:
Hatanjaho ty vatanareo androany
hanompoa ani-Jehovah,
fa samby namono ty anakinareo 
noho ty rahalahinareo iaby nareo,
mba hanomezany fitahia anareo.
Nivolanini-Mosesy vahoaky rey hamarain’iny hoe:
Fa nanao fahotà bevata nareo.
Ka hiakatsy amy Jehovah any aho androany.
Vasa mba ho afaky hanao fandimbofam-pahotà
ho anareo avao aho.
Nimpoly nana amy Jehovah any amy zay Mosesy,
ka nanao hoe:
Ah! Bevata ty fahotà nataoni-vahoaky reo!
Nanao ndranahary volamena ho an-drozy rozy!
Fe laha teanao, le mba engào ty fahotàn-drozy.
Fa laha tsy zay,
le fafao amy boky nisoratinao ao lahy ty anarako!
Fe hoy Jehovah tamy Mosesy:
Ty anarani-ze nanota avao 
ro hofafàko amy bokiko io ao.
Mandehana, 
andeso amy pilasy fa nivolaniko
 aminao iny any vahoaky reo.
Ingy anjeliko iny handeha alohanao eo.
Fa amy andro hanasaziako 
ro hanasaziako an-drozy amy ty fahotàn-drozy.
Le nahavy loza tamy vahoaky rey Jehovah,
satria nampamboatsy anak’aomby ani-Arona rozy.
Le atao raha ho tapa-kevitsy 
tsy hivaliky amy Jehovah Israelita reo!
Kay hondy nihena ty finoan-drozy
 lafa tsy nihitan-drozy Mosesy. 
Niasa loha rozy lafa nijano 
somary elaela tanabo Vohitsy Sinay any ie.
Vasa natahotsy rozy io hoe nengàni-Mosesy,
na ataon-drozy ho nimaty am-bohitsy any ie!
Nieritseritsy Israelita reo 
fa ho tavela an-diomonto any satria
tsy eo sasy mpitariky natokisan-drozy iny. 
Ho hita eto laha mbo tsy mivaliky rozy.
Laha tsy nivaliky vatany Israelita reo
le ho nataon-drozy ze hanaporofoa
Fa Jehovah raiky avao ro tompoen-drozy
ndre eo ty fahasahiràna.
Fe naleon-drozy nifalifaly, nihina noho nino,
noho nanao fombafombani-mpanompo sampy
soa tsy hiasa loha sasy.
Le sakin-drozy amin’io ty nivola hoe 
“fety ho ani-Jehovah” raha iny!
Namita-bata koa rozy, 
fa nao Jehovah anak’aomby volamena iny.
Ndre fa manompo sampy rozy
le mbo nieritseritsy hoe 
tsy mivaliky amy Jehovah!
Naniry tsy hivaliky amy Jehovah rozy
sady nivola hoe tsy nivaliky 
fe nanompo anak’aomby volamena iny.
Ka nanao akory ty fahitàni-Jehovah an-drozy
 noho ty fanompoan-drozy?
“Nanao raty” hoasani-Jehovah rozy,
sady “niala” fa tsy nanao ty sitrapony.
“Neloky marè” Jehovah, 
ka nanapa-kevitsy handripaky
 ani-firenena vo niforo io 
satria nivaliky aminy.
Fe tsy Israelita reo iaby 
ro nivaliky tamy Jehovah. 
Tapa-kevitsy hanohitsy ani-mpanompo sampy reo
 mihintsy, ohatsy, Mosesy.
“Nalàny anak’aomby namboarin-drozy iny
le noroany bakeo notorotoroeny ho lemboky.”
Bakeo nitsanga am-bavahadini-toby eo ie,
sady nivola hoe:
“Ia ze manoha ani-Jehovah? Avia bakao!”
Le namonjy azy iaby Levita rey! 
Tsy nivaliky tamy Jehovah koa rozy.
Nivonoan-drozy tamy sabatsy mpanompo sampy rey
ndre longon-drozy noho olo zatsy an-drozy aza!
Nanoha ani-Jehovah vatany Mosesy noho Levita reo.
Farany tsy nivaliky amin-drozy koa Jehovah.
Tsy nivaliky tamy Abrahama,
Isaka, noho Jakoba namany koa Jehovah
ka nitiaroviny ty raha nampitamàniny an-drozy
sady tsy naravany ty Israelita.
Manoha ze olo tsy mivaliky aminy vatany Jehovah.
Ndao harahintsika ty tampany farany
 amy famakia Baiboly toy, 
baka amy Eksodosy 34:1-14.
Bakeo hoy Jehovah tamy Mosesy:
Manamboara takela-bato roe
mitovy tamy azy voalohany rey, 
fa hosoratiko eo safàko tamy 
takela-bato voalohany nivakivakinao rey.
Le miomàna
fa hiakatsy an-tamponi-Vohitsy Sinay any iha
hamaray maraindray, ka hiaraky amiko. 
Fe tsy misy olo mahazo miaraky miakatsy aminao.
Ao koa tsy hisy olo hafa
ho hita mbamy vohitsy io eny.
Tsy tokony hisy aondry
na aomby 
hihina akata koa anilani-vohitsy io eny.
Namboatsy takela-bato roe 
mitovy tamy azy voalohany rey amy zay Mosesy.
Nifoha maray ie
le niakatsy anabo vohitsy Sinay any,
 araky ty nandidiani-Jehovah azy.
Le nandesiny takela-bato roe rey.
Bakeo, nijotso tanatini-rahona tao Jehovah. 
Niaraky tamy Mosesy eo ie
ka nanambara ty anarani-Jehovah.
Le nandalo talohani-Mosesy eo Jehovah 
sady nivola hoe:
Jehovah, Jehovah,
Ndranahary mamindra fo noho soa fanahy,
tsy mora meloky, be fitiava tsy miovaova 
sady tea fahamarina,
manajary fitiava tsy miovaova 
ho ani-taranaky an’arivony,
 
manenga hadisoa noho heloky voho fahotà,
fe sanatria azy ty tsy hanasazy ze tokony hosazỳ,
fa hosazìny amy ty hadisoany ty baba
noho ty anakiny noho ty zafiny voho ty zafiafiny.
Avy le niondriky tamy tany Mosesy sady niankohoky.
Bakeo nivola ie hoe:
Nao lahy Jehovah,
laha mahazo hatò aminao aho,
le ndao hiaraky aminay, Jehovah, 
fa maheriloha vahoaky toy! 
Engào ty hadisoanay 
noho ty fahotànay,
le rambeso ho fanananao zahay.
Le namaly ie hoe:
Zao ty fifanekea ataoko:
Amasoni-olonao iaby ro hanaovako raha mahatseriky 
mbo tsy natao tamy tany iaby na firenena iaby.
Le hahita ty asani-Jehovah 
ty olo iaby manodidy anareo, 
fa raha mampatahotsy ro hataoko amasonareo eo. 
Tandremo iaby ze raha andidiako anao androany.
Horoasiko tsy ho aminao eo ty Amorita
noho ty Kananita noho ty Hetita 
noho ty Perizita noho ty Hivita voho ty Jebosita. 
Ka le mitandrema soa iha,
mba tsy hanao fifanekea amin’olo
 amy tany handehananao iny any,
tsy no ho fandriky ho anao raha zay.
Akopaho ty alitaran-drozy, 
torotorò ty tsangambaton-drozy masy,
le tampatampaho ty tsato-kazon-drozy masy.
Ka miankohoky amy ndranahary hafa, 
satria Ndranahary mamarahy ro ahaiza ani-Jehovah.
Eka, mitaky ty hanompoa azy raiky avao ie.
Ino ty ianarantsika baka amy tantara iny?
Tsy ampy ty hoe maniry tsy hivaliky amy Jehovah.
Mety ho voafitakini-tontolo toy tsika
ka hieritseritsy hoe 
mbo tsy mivaliky amy Jehovah avao
ndre fa tsy manaraky ty torolalany aza.
Kanefa teani-Jehovah 
laha ‘ie raiky avao ro tompoentsika.’
Marina fa tsy maintsy hiatriky raha sarotsy tsika.
Mety hisy raha tsy milamy tampoky
 ohatsy ty an-trano ao,
na sahira amy resaky drala tsika
na marary mafy. 
Mety hanao raha nampeloky antsika koa
ty mpiara-manompo.
Fe tiarovo avao 
fa tsy hamaha raha manahira iny mihintsy
ty fandikà ty torolalani-Jehovah.
Fa laha manoha ani-Jehovah vatany tsika,
le hahazo fitahia.
Azo antoky raha zay
satria tsy mivaliky mihintsy Jehovah.
Mampitamà ie fa 
hampisehoany “fitiava tsy miovaova”
ze olo “manompo azy raiky avao.”
Sahala mivola amintsika Jehovah hoe: 
‘Laha manoha ahy nareo, le hanoha anareo koa aho.’
Nivakỳ teo lehany hoe 
“hanao raha mahatseriky” ho ani-vahoakiny Jehovah.
“Ndranahary mamindra fo 
noho soa fanahy” vatany ie,
“tsy mora meloky, sady mana fitiava tsy miovaova,” 
zany hoe tsy mivaliky.


-