JW subtitle extractor

წერმიდგინ დრო

Video Other languages Share text Share link Show times

ცხოვრება რე დიდ წვალება,
ვა მიღ ძალა დო გარზება.
ართ წუთით მა დობწკურუნქ თოლეფს
დო იხანტუ ჩქიმ ოცნებეფ:
წერმიბდგინენქ დროს, ვორეთ ბედნერეფ,
რინა ჰამო ჩქინ დღას ვედელიებ.
წერმიბდგინენქ დროს, თანდუ მოქარგილ დღა:
„სიცოცხლეშე, თე ახალ, სქვამ დღაშე მადლობა“.
სქან ხუმას ასე მა ვეფრჩქილექ.
მიდინუ ირ დღას თოლსინთე.
მალას გებგენთ ჩიტეფიშ ბირას
ბძირუნთ ახალ, სქვამ ქიანას.
წერმიბდგინენქ დროს, ვორეთ ბედნერეფ,
თოლს ვაუჯერთ, ვორეთ ახალგაზრდეფ.
წერმიბდგინენთ დროს, თანდუ მოქარგილ დღა:
„ახალ სიცოცხლეშე, ახალ სქვამ დღაშე დიდ მადლობა“.
ასე ირ დღას დიდ ჭუას ბგინაფლენქ,
მარა ართ დღას ბჯერს, მიდებრულექ.
წერმიბდგინენქ დროს, ვორეთ ბედნერეფ,
ქაჸუნ ჭუაქ, დრო რე მერეთ.
წერმიბდგინენქ დროს, რე ხიოლ, ძიცა-ლაჸაფ,
ირ დღა თანდუ ართიანშე სქვამ.
წერმიბდგინენქ დროს, ვორეთ ბედნერეფ,
რინა ჰამო ჩქინ დღას ვედელიებ.
მუ სქვამას თანდუ მოქარგილ ახალ დღა.
მარდულ გიბირთ: „მუმა, მადლობა“