JW subtitle extractor

Куштардыҥ јараш кожоҥы
Кӧк-айаста угулат.
Јалаҥда јайым барадым,
Кӱн чогы кӧсти кылбыктырат.
Бӱгӱн јылу уткыйдым
Мен кару улузымды.
Башталды јаҥы јӱрӱм,
Јуук болды сакыган кӱн!
Јалаҥдарда, кобыларда
Айыл-јурттар тудулат.
Шоркыражат агын суулар,
Терменниҥ тажын айландырат.
Буудай ашты кезетен
Алкышту иш башталды.
Амаду бӱдӱп калды —
Јуук болды сакыган кӱн!
Сӱӱген најыларым кожо,
Сӱӱнчи ортобыста толо.
Кудай кӧс јажыс арчыды,
Јаҥы јӱрӱмди баштады.
Сӱӱнчилӱ ӱндер угадыс...
Чабылган ӧлӧҥ јыды...
Најыларла јуулыжадыс,
Јаҥы кӱнди кожо баштайлы.
Кудайга быйан айдадыс
Бу алкыштары учун.
Кайра эмди кӧрзӧбис —
Јуук болды сакыган кӱн!
Кӱнӱҥ ле сайын айдадым:
«Сени кӧрӱп, мен сӱӱнедим».
«Эрке сени кучактаарым» —
деген санаала мен јӱрдим.
Јылдаҥ јылга улай ла
Сакыган ӧй башталар.
Сӧзин берген Иегова,
Алаҥзыба, бӱдӱрип салар.
Кӱчтерге сен табартсаҥ да
Бош салба колдорыҥды.
Једип келер удабай,
Сакыган кӱн сӱреен јуук!