JW subtitle extractor

Kel publikason li na formatu dijital
ta inklui informasons ki nu
ta atxa na kel boton li.
Sénpri ki bu atxa kel boton li,
bu pode klika riba di el pa abri kel párti.
Óras ki el abri,
kes párti ta mostra kes informason
ki sta na kuadru na livru inprimidu.
Na JW Library®, bu pode sublinha
i kria nótas sima na kes otu testu.
Bu pode disidi mostra
ô sukundi informason
asi pa bu pode konsentra
na kel testu prinsipal.
Alguns parágrafu ten link di kes kuadru
ki ta parse na otus párti di kel pájina.
Si bu klika na link,
el ta leba-u pa kel kuadru.
Si bu klika na kel link ki
sta dibaxu di kel kuadru,
el ta leba-u pa undi ki bu staba antis.
Alguns di kes párti ki ta abri
ten informasons sobri
kes tabéla na publikason.
Kel-li é un formatu di testu
ki ta mostra informasons ki ta sta na mapa,
linha di ténpu ô tabéla,
ki pode djuda-u si bu ta prifiri kel formatu li
ô si bu ta uza leitura di téla.
Na JW Library, bu pode sublinha ô kria nóta
na kes párti li tanbê.
Sima nu odja,
kel párti li ta djuda-u prende más
sobri kel asuntu ki bu sta studa
i atxa informasons más faxi.

Modi ki ta uzadu kes párti ki ta abri na publikason dijital