JW subtitle extractor

In kʼaabaʼeʼ Irène Hof Laurenceau.
Tin xokaj in doctorail
tu Universidadil Zurich,
tu luʼumil Suiza.
Ka tsʼoʼokeʼ xooknajen
utiaʼal in operartik u baakel máak.
Teneʼ maʼ tin creertik kaʼach
wa yaan máax beet tuláakal baʼal,
kin tuklikeʼ yanchajoʼob
tu yoʼolal le evolucionoʼ.
Le kéen in wil u wíinklil
le baʼaxoʼob kuxaʼanoʼoboʼ
kin wilkeʼ jach maʼalob bix u meyajoʼob.
Le kéen in wil igual
bix u meyaj u wíinklil máakeʼ
kin tsʼáaik cuentaeʼ tiʼ juntúuliliʼ máak
u taal tuláakal máak.
Le ka tsʼoʼok in xokik in doctoraileʼ
meyajnajen bey cirujana
tiʼ yaʼab hospitaloʼob.
Ichil le meyaj
kin beetkoʼ yaʼab u téeneleʼ
ku kʼaʼabéettal u tsʼaʼabal
junpʼéel prótesis tu wíinklil máak
teʼ tuʼuxoʼob tsʼoʼok
u xuʼupul u baakeloʼoboʼ.
U píix máakeʼ maʼ chéen ku páajtal
u wúutsʼul yéetel u tojtaliʼ
ku páajtal xan u chan
suut wa u chan chʼóotol.
Kex ka tsʼaʼabak junpʼéel
prótesis tu yook máakeʼ
maʼ tu péek jach
jeʼex u péek u píix máakeʼ.
Le kéen k-il bix u péeksik u yook
juntúul máax ku yóokʼoteʼ
k-tsʼáaik cuentaeʼ anchaj máax beetik
u wíinklil máak,
juntúul máax jach táaj nojoch.
Utiaʼal u péek u yook máakeʼ
kʼaʼabéet u meyaj tubeel u xiichʼeloʼob,
le tuʼux ku núupul le baakoʼoboʼ
bey xan le nervioʼoboʼ.
Junpʼéel baʼal beyaʼ
maʼ tu páajtal u yaʼalaʼal
wa tiʼ le evolución u taaloʼ.
Le ka eʼesaʼabten
baʼax ku yaʼalik le Bibliaoʼ
tin tsʼáaj cuentaeʼ
maas yaʼab baʼax probartik
yaan máax beetmiloʼon.
Tsʼoʼok in wilkeʼ
yaan xan cientificoʼob
jach kʼaj óolaʼanoʼobeʼ
maʼatech u creertikoʼob
le baʼax ku kaʼansik le evolucionoʼ.
Le Bibliaoʼ tu yáanten
in kʼaj óolt jach máax Dios.
Lelaʼ bey jeʼex junpʼéel janaleʼ.
Utiaʼal a wuʼuyik wa kiʼeʼ unaj a túuntik.
Utiaʼal xan a wojéeltik wa jaaj
baʼax ku yaʼalik le Bibliaoʼ unaj a xokik.

Irène Hof Laurenceau: Juntúul cirujanaeʼ ku tsolik baʼaxten ku creertik Dios