JW subtitle extractor

Iri ti mbi ayeke
Irène Hof Laurenceau.
Mbi sara médecine na
Université ti Zurich na Suisse.
Na pekoni,
mbi sara spécialité na sarango
opération ti bio na ti muscle.
Mbi mä na bê ape so
Nzapa la acréé aye
me mbi mä na bê so aye
bâ gigi na lege ti évolution.
Na hakango bio ti aye nde nde,
e ga ti bâ so ambeni
ye na yâ ni akpa terê.
Ti mbi,
a yeke na lege ni so
abio ni akpa terê so;
ye so afa so e kue e londo
gï na mbeni kotara oko.
Na peko ti étude
ti mbi ti médecine,
mbi sara kua na andokua ti sarango
opération na yâ ti ahôpital.
Kota mbage ti kua ti kaïngo
akobela ti bio na ti muscle
ayeke ti remplacé aplace
so abio atingbi terê dä
so kobela amû ni
wala so asara kua
encore ape na aprothèse.
Genou ayeke plié
nga ayeke kiri na place ni,
me a yeke sara nga
mbeni kete mouvement,
mbeni kete rotation.
Tongana a zia prothèse
na genou ti mbeni zo,
lo yeke sara mouvement na ni
tongana ti vrai genou ti lo ape.
Tongana e bâ mbeni zo ayeke
sara patinage wala lo yeke dodo,
e yeke croire so Nzapa so
ayeke kota mingi ayeke dä.
Ti tene gere ti zo asara kua nzoni,
aplace so abio atingbi terê dä,
atendon,
amuscle na anerf adoit
ti sara kua legeoko.
A yeke ngangu ti imaginé so ye
tongaso abâ gigi na lege ti évolution.
Na ngoi so mbeni zo aga
ti sara lisoro na mbi
na ndö ti Bible na yanga-da,
mbi bâ so atënë so andu tënë
ti création ayeke tâ na lege ni.
Na ndö ni,
mbi hinga ambeni wandara
so iri ti ala awu
so ayeke na kite na
ndö ti tënë ti évolution.
Na mandango Bible,
mbi hinga Nzapa
nzoni ahon ti kozo.
A yeke tongana kobe.
Mo doit ti tara ni si mo
hinga nzerengo ni.
Legeoko nga,
mo doit ti manda
Bible si mo hinga so
ye so Bible atene
ayeke tâ tënë.

Iréne Hof Laurenceau: Mbeni wanganga so ayeke opéré abio na amuscle ti zo asara tënë ti mabe ti lo