Irène Hof Laurenceau: Manazava ty Finoany Manam-pahaiza Mikasiky Taola Iny
Irène Hof Laurenceau ty anarako.
Nianatsy ho dokotera tamy Iniversitèni-Zuruch
a Soisy any aho.
Tafarani-zay aho lasa dokotera
mpanao operation taola.
Tsy nino mihintsy aho hoe
misy ty Mpamoro
satria nieritseritsy aho
fa niforoforo ho azy avao ty raha iaby.
Lafa hentea ty vatani-raha manan’ay
sankarazany,
le hita hoe misy itovizany.
Laha dinihiko amy zay fitovia reo,
le nahavy ahy hieritseritsy hoe
tsy maintsy ho raiky avao
ty razambe niaviantsika.
Niasa tamy lapotaly aho
lafa nivita fianarako iny,
le mpanao operation ty asako.
Tsy mitsabo taola avao ty asa ataonay,
fa mbo anatiny koa ty manolo taola marary
na fa tsy miasa sasy.
Ty ongotsy zao tsy hoe
afaky miforitsy noho miampatsy avao,
fa mbo afaky miodiky koa.
Tsy afaky hihetsiky manahaky
ty ongotsy miasa soa noho salama,
azy solon’ongotsy apetakinay rey.
Lafa manenty olo mitsinjaky rey tsika,
le mieky hoe
tena misy mpamoro ambony
mandilatsy antsika olombelo any.
Mba hahavy ty tomboky hiasa soa,
le tsy maintsy miaraky miasa soa ty taola,
ty ozatsy, noho ty atidoha.
Tena tsy mampino raha zay
laha niforoforo ho azy avao.
Nisy olo niavy tan-tranoko ao
niresaky mikasiky Baiboly tamiko.
Nieky aho tamy zay
fa marina mihintsy ty hoe
nisy namoro ty raha iaby.
Nanjary haiko koa hoe
misy mpahay siansy malaza
nisalasala tamy fampianara
mikasiky evolision.
Ty fianara Baiboly ro tena nanampy ahy
hahay soa a-Ndranahary.
Mitovy amy hany io avao lahy.
Mila andramananao ie
mba hahaizanao ty tsirony.
Hozay koa
fa mila mianatsy Baiboly iha
mba hahaizanao hoe
marina va ty raha volaniny.
.
-