JW subtitle extractor

¡Tsʼoʼok u yoratal
a bin kʼaʼaytaj Caleb!
¿Tsʼoʼok wa líiʼskaba?
Chéen baʼaleʼ,
táanil tiʼ a jóokʼol kʼaʼaytajeʼ,
yaan jujunpʼéel
baʼaloʼob unaj a beetik.
U jaajileʼ óoxpʼéel baʼaloʼob.
¿Óoxpʼéel baʼaloʼob?
¡Beyoʼ!
Líiʼsaba tubeel,
jatsʼutskíintaba
yéetel kanáant baʼax ka beetik.
¡Yáaxeʼ!
Líiʼsaba tubeel.
Lelaʼ junpʼéel baʼax
jach kʼaʼabéet a beetik
táanil tiʼ a jóokʼol kʼaʼaytaj.
Le libroʼob yéetel le folletoʼob
kun meyajtechoʼ
bey jeʼex le nuʼukuloʼob kʼaʼabéet
utiaʼal a beetik junpʼéel meyajoʼ.
Ichil le baʼaloʼob tsʼaʼantoʼon
utiaʼal k-kaʼansajoʼ
jeʼel u páajtal a yéeyik le
ka tuklik jeʼel u meyajtechoʼ.
Kéen tsʼoʼokkeʼ tukult baʼax
jeʼel a waʼalik tiʼ u yuumil najeʼ.
Maʼ a páaʼtik a kʼuchul tu jool naj
utiaʼal a wilik baʼax ken a waʼale.
¡Líiʼsaba tubeel!
Beora tsʼoʼok a jupik
tuláakal ta chan bultoeʼ,
u yorail a jatsʼutskíintkaba.
Lelaʼ jach kʼaʼabéet tumen
táan a bisik u kʼaabaʼ Jéeoba.
Jach unaj a yéeyik tubeel le nookʼ
ken a tak utiaʼal a bin kʼaʼaytajoʼ.
Wa maʼ ta takik tubeel a nookʼeʼ
yaan u tʼaan kʼaas le máakoʼob
tu yoʼolal Jéeobaoʼ.
Kʼax tubeel a xaanab,
tsʼáa tubeel a nookʼ
yéetel ilawil maʼ a multaʼal
tumen x-yaʼaxkach.
A nookʼ xaneʼ maʼ unaj
u kupik a wiikʼiʼ.
Jóoʼs u chan bejil a pool
yéetel maʼ a takik nookʼ jelaʼan u color.
Beora jach jatsʼuts a wilaʼaleʼ,
koʼox ilik baʼaxten unaj
a kanáantik baʼax ka beetik.
Lelaʼ uláakʼ bix jeʼel u tʼaan maʼalob
le máakoʼob tu yoʼolal Jéeobaoʼ.
Maʼ u máan a wáalkab
tu paach le peekʼoʼoboʼ.
Tʼaanen chaambelil
yéetel maʼ jajaʼcheʼej.
Maʼ u máan a báaxal,
maʼ a beetik a kʼasaʼanil
yéetel maʼ a máan chʼeeneb ventana.
Kʼaʼajaktecheʼ maʼ u yorail jaanliʼ.
¿Máasaʼ jach unaj a kanáantik
baʼax ka beetik ken jóokʼkech
teʼ kʼaʼaytajoʼ?
¿Máasaʼ maʼ a kʼáat
ka aʼalaʼak baʼal tiʼ Jéeobaiʼ?
¿Jeʼel u páajtal in bin kʼaʼaytajeʼ?
¡Jeʼeleʼ!
Jeʼel u páajtal a bineʼ.
Beet le óoxpʼéel baʼaloʼob
tsʼoʼok k-kanikoʼ.
In kʼaabaʼeʼ Caleb,
¿kux túun teech?
¡Hola, Caleb!
In kʼaabaʼeʼ...

Líiʼsaba utiaʼal a bin kʼaʼaytaj