JW subtitle extractor

?From wanem yu wantem faet
agensem fasin ya blong daonem narafala?
Saot Afrika i gat histri blong jajem man
from bakgraon blong hem.
Nating se loa i jenis,
be tingting mo hat blong ol man
long saed ya i no jenis.
Mi stap luk we ol man oli stap gohed yet
blong no laekem narafala
from bakgraon blong olgeta.
Oli save jajem yu from lukluk blong yu,
fasin blong yu blong toktok,
ples we yu laef long hem,
mo mi harem se i had
blong joengud wetem ol narafala.
Mi luk se, plante man
oli no gat samting we oli nidim.
Eksampol, ples we oli laef long hem i nogud,
sam oli gat wota, samfala nogat.
Mi wantem halpem ol man olsem.
Mi tingbaot wan taem
we wan grup blong ol man blong politik,
oli talem se, bae oli mekem wan jenis.
Nating se mi no talem
be insaed long hat blong mi,
mi stat blong sapotem olgeta.
I gat plante bigfala protes.
Evriwan i stap joen wanples,
i gat ol man blong defren ples, kalja, boe mo gel,
evriwan oli joen wanples
blong faet from raet ya se,
evriman oli sem mak nomo.
Mi harem se mi wantem joen
blong sapotem jenis ya.
?Wanem ol jenis yu makem long yu wan?
COVID-19 pandemik
i mekem se mi no save go aotsaed.
Be mi stap wajem TV plante.
Mo taem mi stap wajem nius long TV,
mi makem ol samting ya
we mi stap luk taem mi go prij,
ol man oli stap tritim nogud
ol man, ol woman, pikinini, ol olfala.
Hemia i pulum mi
blong wantem mekem wan samting.
I bin gat wan protes
we i stap gohed long skul blong mi.
Mi save se mi no save joen
from we mi mi wan Witnes blong Jehova,
so mi harem nogud smol.
Mi no glad from mi harem olsem se
mi no stap givhan,
mi stap waj nomo.
I olsem se mi no kea nating.
Mo mi no wantem narafala i tingbaot mi olsem.
Ol perens blong mi oli makem se,
mi fasgud long ol nogud fasin ya
we i stap hapen.
Samtaem mi askem se
from wanem oli tritim nogud olgeta olsem.
Be papa mama i halpem mi.
Oli yusum sam haf blong JW Brodkasting
we i joen wetem topik ya,
mo mifala tokbaot tu long famle wosip.
Mi laekem tumas bigfala asembli blong 2019,
“Lav We i No Save Finis Samtaem.”
Tok we i tajem hat blong mi,
hemia se, Lav “i bilif long olgeta samting.”
Sipos yumi lavem ol brata sista,
bae yumi trastem olgeta
se oli wantem nomo
blong mekem i gud long yumi,
mo long ol narafala.
Mi luksave se mi mas stop blong
gat ol rabis tingting we oli negatif,
mo taem mi mekem olsem,
mi faenem ol gudfala fren blong ol defren ples.
Lav blong ol man blong Jehova,
i mekem mi glad,
mo i pulum mi blong soemaot lav ya
long ol narafala.
Vas we mi tingbaot hemia
Jeremaea 10:23, we i se,
“man i no naf blong jusum prapa rod blong hem.”
Vas ya i halpem blong luksave se
man hem wan hem i no naf blong mekem jenis.
Oli no naf bifo,
mo tede tu, i klia se oli no naf.
Sipos mi sapotem olgeta long
ol protes o long sosol media,
hemia i olsem we mi stap
pentem wan sip we i stap draon.
Yes wol ya i stap draon,
bae mi westem taem nomo
sipos mi wantem sapotem wol ya.
?Yu mekem wanem naoia,
nating se i nogat jastis yet long wol?
Mi no moa harem olsem se mi stap waj nomo,
o se mi joen wetem olgeta.
I bitim we mi harem nogud from i no gat jenis,
mi go halpem ol narafala
blong oli save gudfala fiuja we Baebol i tokbaot.
Mi no moa fas tumas
long ol nius blong ol rabis fasin blong ol man
we oli no soem jastis.
Be mi mekem volontia wok ya blong prij fultaem,
blong halpem ol man blong save Jehova,
save trutok blong hem,
mo gudfala promes blong Jehova long fiuja.
Mi mo papa, mitufala i stadi
long ol profet tok blong Baebol,
blong luk olsem wanem oli kamtru.
Mo mi luk se ol promes we Jehova i bin mekem,
oli kamtru 100 pesen.
So eni promes blong Jehova long fiuja,
bambae hem i no mestem,
bambae i mas kamtru nomo.
Ol man blong Jehova oli gat lav.
Oli givgivhan long olgeta long ol hadtaem,
nating se oli no toktok semfala lanwis,
mo oli no blong semfala ples, be defren kantri.
Hemia i wan pruf se, long fiuja,
taem Kingdom blong God i rulum wol ya,
evriwan long wol,
bambae oli soemaot lav ya
we i no save finis samtaem.

Ol Risen Blong Gat Bilif—Lav i Win, Taem i Nogat Jastis