JW subtitle extractor

Relijyon pa t janm vrèman enterese m.
Se pandan m te nan inivèsite,
lè m t ap etidye byoteknoloji
mwen te vin kwè
nan teyori evolisyon an.
Pou mwen, Bib la se te jis
yon liv ki fè pati kilti oksidantal la
e li pa t egzak
nan domèn syantifik.
Epi, m te kòmanse li Reveye n!
Mwen te sezi wè jan atik ki pale
sou teknoloji ak lòt sijè
syantifik yo te lojik.
Mwen te kòmanse
ap mande tèt mwen
si se pa aza vre
sistèm ki nan kò nou yo
ki konplike te parèt.
Pou yon machin byen mache,
yo mete plizyè santèn pyès ansanm
yon fason ki òdone.
Menm yon ti chanjman toupiti
ap lakòz machin nan
mal fonksyone.
Men, sistèm nan kò nou tankou
ADN, ARN ak pwoteyin yo
pi konplike toujou.
Mwen te kòmanse konprann
li pa lojik pou m kwè
se pa aza bagay sa yo egziste.
Se sa k fè m te kòmanse
etidye Labib ak yon lòt mantalite.
Sa gen anviwon 3 500 an,
Bib la te fè konnen
“pa gen anyen ki kenbe” tè a.
Men, sa gen sèlman 300 an
depi syantifik yo wè sa.
Plis mwen t ap dekouvri lòt verite,
se plis mwen te vin gen konviksyon
sa k nan Bib la
se pa pawòl lèzòm
e Bib la ann amoni ak lasyans.
Plis mwen te vin
gen konfyans nan Bib la,
se plis mwen te vin
gen konfyans nan pwomès
Bondye fè pou
gen yon rezirèksyon.
Epitou, Bib la fè konnen
“se pa ti anvi [Jewova]
anvi wè travay
[li] fè ak men [l]”.
Pa gen dout,
Jewova anvi resisite
moun ki nan memwa l yo
e l gen pouvwa pou l fè sa.
Fèm konviksyon mwen genyen
nan rezirèksyon an
ban m anpil
espwa ak konsolasyon.
Depi lè m toupiti,
mwen te toujou al legliz.
Mwen te toujou kwè
moun ki fè bon bagay
pral nan syèl,
moun ki fè move bagay
pral nan lanfè,
nanm moun ki mouri yo kontinye
ap veye sou moun pa yo
ki vivan e y ap gide yo.
An 2018, lè mari m mouri,
sa te vrèman difisil pou mwen.
Yon jou, gen yon dam
Temwen Jewova
ki te vin vizite m
e l te pale m de esperans
rezirèksyon ki pral fèt sou tè a,
sa te konsole m.
Men, akoz kwayans
mwen te genyen,
mwen pa t ka konprann
poukisa mari m pa t ede m.
Sè a te li Eklezyas 9:5, 10 avè m.
Mwen te aprann nou pa
gen yon nanm ki pa ka mouri
e moun nou genyen ki mouri yo
pa konn anyen ankò.
Li te ede m konprann
objektif Bondye se pou moun
viv pou toutan sou tè a.
Verite sa a ki soti nan Bib la
libere m anba fo ansèyman
legliz mwen an
e sa te vin fè m deside batize.
Jewova se yon Bondye
ki gen anpil mizèrikòd,
sajès ak lanmou.
Travay 24:15 fè konnen
Jewova pral resisite
menm “moun ki enjis”.
Mwen konnen m ap
rewè moun pa m
ki mouri yo ankò
e m ap avèk yo.
Mwen pa ka tann pou m anseye
moun ki resisite ki
poko konn Jewova yo
e pou m ede yo vin sèvi l.

Viktwa sou lanmò grasa rezirèksyon!