JW subtitle extractor

Taem mi stap gruap,
papa mama i no tijim mi blong ridim Baebol.
Mi no bilif se ol tok blong Baebol oli joen gud,
oli laenap wetem sayens, o oli tru.
Taswe mi ting se samting we Baebol
mo ol relijen i tijim
i kamaot long tingting blong man nomo.
Biaen, mi go long yunivesiti
blong stadi blong kam wan enjinia.
Afta we mi graduet,
mi go stap wetem sam famle,
mo mi tingbaot se long taem ya
oli stap stadi wetem ol Witnes blong Jehova.
Mo mi talem long olgeta se,
“yu save eksplenem Baebol
long eni rod we yu wantem.”
Mo wan long olgeta i talem se
i gud yu joenem mifala,
mo pruvum long ol Witnes se
tijing blong olgeta i rong.
Ale mi se: “I stret bae mi mekem.”
Mi tingbaot taem mi ridim Ol Sam 37:29
we i tokbaot se,
‘ol stret man bambae oli laef olwe long wol ya.’
Mi no moa save tingbaot wan
narafala rod blong eksplenem vas ya.
Vas ya i pruvum se,
i gat sam vas blong Baebol we
yu no save jenisim mining blong hem.
Longtaem ya, mi no sua yet
sipos samting ya i tru.
Be afta, mi stat blong stadi moa long Baebol,
blong faenemaot sipos
samting we Baebol i talem i tru.
Bae mi ridim vas ya we i pruvum long mi se,
Baebol i laenap wetem sayens.
Hemia Job 26:7 i se:
“Hem i pulum skae ya long not
i go long emti spes,
mo wol ya hem i no hangem long wan samting.”
Tok ya oli raetem samwe 3,500 yia finis,
we i pruvum se ‘wol ya i no hang long wan samting.’
Be samwe 300 yia i pas,
ol saentis olsem Isaac Newton
oli jes faenemaot se paoa blong graviti
i mekem se wol ya i hang long emti spes nomo.
So hemia i pruvum long mi se
Baebol i laenap wetem sayens.
Mo tu, mi luk klia olsem wanem
Baebol i tokbaot ol wol paoa,
mo olsem wanem ol tok blong hem oli joen gud
stat long Jenesis kasem Revelesen.
Ol save we mi stap lanem
oli gat bigfala paoa long mi.
Sloslo mo stat blong luksave se
ol samting we Baebol i talem oli tru.
Mo taem mi folem ol save ya blong Baebol,
mi glad moa long laef blong mi, mo mi gat pis.

?Yumi Naf Blong Faenem Trutok? Intaviu Wetem Doug Edson