JW subtitle extractor

Taem mi stap gruap,
evri wiken famle blong mi i stap go long jej.
Nating se i olsem,
mifala i neva stap long
wan jej nomo,
oltaem mifala i stap go long ol defdefren jej.
Be sloslo mi stat blong
no moa trastem ol jej ya,
from fasin blong olgeta
blong tij i olsem we
yu stap wajem
wan so.
Maet yu glad, be taem yu aot,
yu no lanem wan samting
mo yu luksave se long ful aoa ya we yu stap,
pasta i yusum tu o
tri vas nomo
taem hem i stap prij.
Oli no folem wanem we oli tijim, mo
oli laekem moa blong tokbaot mane.
Antap long hemia, yu haremsave se
i no gat lav.
Be long mi, mi save se
i mas gat sam man
we oli wantem tumas blong
folem ol samting we Baebol i talem.
Mi bin fraet blong stadi Baebol wetem
ol Witnes blong Jehova,
from mi gat tingting ya se
oli gat prapa Baebol blong olgeta.
Mo mi ting se oli wan grup we
bilif blong olgeta i narakaen.
Mi gat sam fren long skul we
oli Witnes blong Jehova,
mo wan dei, wan long olgeta i invaetem mi
blong kam long miting
Nating se long stat mi bin gat tu tingting,
be biaen mi tekem desisen blong go.
Mo mi makem se
long ful program blong miting ya,
plante taem oli stap yusum Baebol nomo.
Mo mi makem tu se taem ol man oli ansa,
olgeta tu oli yusum
ol vas blong Baebol
long ol ansa blong olgeta.
Mo long taem ya nao
mi mitim sista we i
mekem stadi blong mi.
Taem mi stap stadi, mi luksave
se tingting we mi bin gat
long saed blong ol Witnes i no tru.
Evri bilif blong olgeta i stanap long Baebol,
mo i stap tu long jw.org
blong ol man oli save luk.
Fastaem, mi ting se oli gat
prapa Baebol blong olgeta.
Be taem mi st‎adi,
Baebo‎l tija blong mi i se
mi save yusum Baebol we mi gat.
Mo tu, mi makem se
insaed long kongregesen
evriwan oli lavlavem olgeta.
Be, mi wantem faenemaot
sipos i gat lav ya tu
long ol narafala kongregesen,
taswe mi mekem plan blong traem visitim
ol narafala kongregesen.
!Mo mi luk se
i sem mak nomo!
Mi haremsave se Jehova nao
i pulum mi mi kam long rod ya
we mi stap lukaotem.

?Yumi Naf Blong Faenem Trutok? Intaviu Wetem Queentela Abajuo