JW subtitle extractor

弟兄姊妹都努力清潔
保養維修王國聚會所
我哋好想第一次嚟嘅人
一見到聚會所就有好嘅印象
我哋真係好榮幸可以參與呢啲工作啊
不過參與保養維修王國聚會所
仲有另一個好處㗎
當災難發生嗰陣
如果會眾平時有完善嘅保養維修計劃
就可以第一時間
幫到受災嘅弟兄姊妹嘞
好多弟兄姊妹參與咗
聚會所保養維修嘅志願服務
累積咗好多寶貴嘅經驗
佢哋學到喺工作嘅時候
要注意邊啲安全事項
佢哋都學咗一啲新技能
而呢啲技能喺救災嘅時候
都係需要㗎
譬如話鋪設防水布爬上屋頂
做好安全措施使用各種工具
呢啲實用嘅技能
喺救災嘅時候係好有用㗎
一般嚟講
我哋會揀經常保養維修聚會所嘅人
去參與救災工作
因為佢哋已經接受過安全培訓
亦都知道點樣做各種保養維修嘅工作
有一個好好嘅例子
可以幫我哋睇出培訓係好重要㗎
熱帶氣旋裘德侵襲莫桑比克
造成大規模嘅破壞
不過之前已經有
好多LDC嘅弟兄姊妹接受過培訓
所以災難發生之後
佢哋可以即刻投入救災工作
有啲人加入救災委員會
有啲人負責評估災情
提供準確訊息
督導災後重建嘅工作
如果冇LDC同埋嗰啲受過培訓嘅人
受災嘅弟兄姊妹
就好難得到及時嘅幫助
同其他組織相比
耶和華嘅組織真係好唔同
災難嚟到嘅時候
我哋能夠第一時間
得到弟兄姊妹嘅幫助
感受到佢哋嘅愛
真係好感動啊
末日越嚟越近
需要幫助嘅弟兄姊妹會越嚟越多
喺自己本地
有一班受過良好培訓嘅弟兄姊妹
對應付緊急情況係好有幫助㗎
就好似箴言27:10講嘅噉
「近處嘅鄰人勝過遠方嘅兄弟」
遠方嘅弟兄當然值得信任啦
但係好難第一時間嚟到我哋身邊
如果我哋附近有願意幫手
又接受過培訓嘅朋友
無論發生乜嘢事
佢哋都能夠及時伸出援手
當然唔係所有人都有機會
參與保養維修嘅工作
但係我哋都可以通過其他方式盡一份力
譬如稱讚嗰啲參與嘅人
款待佢哋
或者話俾負責嘅弟兄聽
如果將來有乜嘢需要可以隨時搵我哋
無論你係參與LDC工程
定係當地聚會所嘅保養維修工作
你嘅服務都係好有價值㗎
好多弟兄姊妹都想知道
我點先至可以參與救災工作呢？
答案就係
參與本地聚會所嘅保養維修工作
噉樣做可以幫助你做好準備
當災難發生嘅時候
你就可以立即伸出援手
所以如果你仲未參加
本地聚會所嘅保養維修工作
我哋鼓勵你即刻去報名啦
多謝你哋願意接受培訓
為弟兄姊妹做更多
噉樣做唔單止可以讚美耶和華
仲可以為弟兄姊妹帶嚟安慰

接受培訓，做得更多