JW subtitle extractor

弟兄姊妹都努力清洁
保养维修王国聚会所
我哋好想第一次嚟嘅人
一见到聚会所就有好嘅印象
我哋真系好荣幸可以参与呢啲工作啊
不过参与保养维修王国聚会所
仲有另一个好处㗎
当灾难发生嗰阵
如果会众平时有完善嘅保养维修计划
就可以第一时间
帮到受灾嘅弟兄姊妹嘞
好多弟兄姊妹参与咗
聚会所保养维修嘅志愿服务
累积咗好多宝贵嘅经验
佢哋学到喺工作嘅时候
要注意边啲安全事项
佢哋都学咗一啲新技能
而呢啲技能喺救灾嘅时候
都系需要㗎
譬如话铺设防水布爬上屋顶
做好安全措施使用各种工具
呢啲实用嘅技能
喺救灾嘅时候系好有用㗎
一般嚟讲
我哋会拣经常保养维修聚会所嘅人
去参与救灾工作
因为佢哋已经接受过安全培训
亦都知道点样做各种保养维修嘅工作
有一个好好嘅例子
可以帮我哋睇出培训系好重要㗎
热带气旋裘德侵袭莫桑比克
造成大规模嘅破坏
不过之前已经有
好多LDC嘅弟兄姊妹接受过培训
所以灾难发生之后
佢哋可以即刻投入救灾工作
有啲人加入救灾委员会
有啲人负责评估灾情
提供准确讯息
督导灾后重建嘅工作
如果冇LDC同埋嗰啲受过培训嘅人
受灾嘅弟兄姊妹
就好难得到及时嘅帮助
同其他组织相比
耶和华嘅组织真系好唔同
灾难嚟到嘅时候
我哋能够第一时间
得到弟兄姊妹嘅帮助
感受到佢哋嘅爱
真系好感动啊
末日越嚟越近
需要帮助嘅弟兄姊妹会越嚟越多
喺自己本地
有一班受过良好培训嘅弟兄姊妹
对应付紧急情况系好有帮助㗎
就好似箴言27:10讲嘅噉
“近处嘅邻人胜过远方嘅兄弟”
远方嘅弟兄当然值得信任啦
但系好难第一时间嚟到我哋身边
如果我哋附近有愿意帮手
又接受过培训嘅朋友
无论发生乜嘢事
佢哋都能够及时伸出援手
当然唔系所有人都有机会
参与保养维修嘅工作
但系我哋都可以通过其他方式尽一份力
譬如称赞嗰啲参与嘅人
款待佢哋
或者话俾负责嘅弟兄听
如果将来有乜嘢需要可以随时揾我哋
无论你系参与LDC工程
定系当地聚会所嘅保养维修工作
你嘅服务都系好有价值㗎
好多弟兄姊妹都想知道
我点先至可以参与救灾工作呢？
答案就系
参与本地聚会所嘅保养维修工作
噉样做可以帮助你做好准备
当灾难发生嘅时候
你就可以立即伸出援手
所以如果你仲未参加
本地聚会所嘅保养维修工作
我哋鼓励你即刻去报名啦
多谢你哋愿意接受培训
为弟兄姊妹做更多
噉样做唔单止可以赞美耶和华
仲可以为弟兄姊妹带嚟安慰

接受培训，做得更多