JW subtitle extractor

Kasem Trening Blong Givhan Long Narafala

Video Other languages Share text Share link Show times

Yumi stap wok had blong klinim
mo mentenem ol Haos Kingdom blong yumi.
Yumi wantem se taem ol niuwan oli kam,
oli luk se ol Haos Wosip blong yumi oli klin.
I wan privilej blong ‘lukaotgud
mo riperem haos blong Jehova.’
Be i gat wan narafala risen tu
from wanem i gud yumi joen
mo mentenem ol samting long
Haos Kingdom blong yumi.
Taem i gat wan disasta, ol kongregesen we
oli gat wan gudfala program blong mentenens
bambae oli naf blong givhan kwiktaem
long ol brata mo sista long
kongregesen blong olgeta.
Taem ol brata mo sista oli joen
long program ya
blong mentenens long
Haos Kingdom blong olgeta,
hemia i givhan bigwan long olgeta,
blong oli lanem
plante impoten lesen long saed
blong fasin blong wok sef,
oli lanem ol niufala rod blong fiksim ol samting,
we hemia ol samting we bambae
oli nidim blong fiksim
stret afta long wan disasta.
Oli mas save olsem wanem
blong go antap long ruf,
wok long fasin we i sef,
mo olsem wanem blong yusum ol defren tul.
Hemia ol impoten trening we i rerem olgeta,
sipos i gat wan disasta.
Plante taem bae oli jusum olgeta
we oli joen long mentenens
blong ol Haos Kingdom
blong givhan long taem blong disasta.
Hemia from we oli save finis
olsem wanem blong wok long fasin we i sef,
mo mekem ol defren kaen wok.
Long ples ya long Mosambik,
hariken Jud, i spolemgud ol ples.
Mi ting se i wan gudfala samting
we ol brata long LDC
oli kasem trening bifo we hariken ya i kam.
Hemia i mekem se sam long olgeta
i naf blong joen long Disasta Rilif Komiti,
sam oli givim samting we ol brata oli nidim,
samfala oli jekem ol haos
mo givim ol stret infomesen,
mo sam narafala oli bildim
mo riperem ol haos.
Blong talem stret, sipos i no gat ol brata
we oli kasem trening
o olgeta we oli joen long LDC,
bambae i had blong givim samting
we ol brata sista oli nidim.
Yu luksave se oganaesesen blong Jehova
i defren olgeta long ol narafala oganaesesen.
Taem yu skelem ol narafala we oli no Witnes
wetem ol brata sista,
yu luk se ol brata sista oli kasem
lav mo help we oli nidim.
Mo hemia i rili nambawan.
From we yumi stap kam klosap moa long sistem blong wol ya,
wok ya blong givhan long
ol brata mo sista blong yumi
bambae i kam bigwan moa.
Plan ya blong trenem ol narafala,
i mekem se oli naf blong halpem
olgeta long kongregesen
taem i gat wan disasta.
Hemia i laenap wetem Ol Proveb 27:10,
“Wan neba we i stap klosap long yu
i gud moa i bitim wan brata we i stap longwe.”
I tru, yumi trastem ol brata blong yumi
we oli stap longwe,
be maet oli no save kam kwik
blong givhan long yumi.
Be taem yumi gat wan neba we i trengud
mo i rere blong givhan, yumi save se
bambae yumi kasem help kwiktaem
nomata wanem trabol yumi kasem.
I no evriwan we oli naf blong klinim
mo riperem ol samting long Haos Kingdom
Be i gat plante rod we
yumi save mekem blong sapotem wok ya,
taem yumi leftemap tingting blong ol narafala,
mekem kakae blong olgeta,
o maet yumi letem ol brata oli save se
yumi rere blong mekem eni samting.
Yu save sapotem wok ya tu,
taem yu volontia long LDC
mo joen blong sapotem mentenens
program long Haos Kingdom blong yu.
Plante brata sista oli gat kwestin ya se:
“?Olsem wanem mi save joen
long disasta rilif wok?”
Sipos wan brata o sista i wantem joen long disasta rilif wok,
fastaem hem i mas joen long
program blong mentenens
long Haos Kingdom blong hem.
Hemia bambae i rerem hem blong givhan
kwiktaem taem i gat wan disasta.
Sipos yu no joen yet long
mentenens program long
Haos Kingdom blong yu,
mifala i leftemap tingting blong yu
blong joenem program ya.
Tangkiu tumas we yufala i glad blong
kasem trening blong givhan long narafala.
Wok we yufala i mekem i presem Jehova
mo i leftemap tingting blong ol brata mo sista.