JW subtitle extractor

E ‘ke sara kua ngangu
ti leke aDa ti Royaume ti e nga ti bata ni.
Tongana afini zo aga,
e ye ti tene ala duti na nzoni bango ndo
na ndö ti place so e yeke sara abungbi ti e dä.
A yeke biani mbeni pasa
ti leke “aye so abuba na terê ti da ti Jéhovah.”
Me eskê mo hinga mbeni ye ti nzoni nde so ayeke ga
tongana mo mû mbage ti leke
aye so abuba na terê ti Da ti Royaume ti mo?
Tongana mbeni kota kpale asi,
mingi ni acongrégation so ayeke na anzoni
programme ti bango lege ti Da ti Royaume ti ala,
a yeke sara ye hio ti aidé aita
so ayeke na yâ ti congrégation ti ala.
Aita-koli na aita-wali
so amû mbage na programme
ti bango lege ti Da ti Royaume
amanda gbâ ti apendre kode
so afa na ala tongana nyen
ti sara kua na sécurité,
ala manda ambeni fini lege ti sara ambeni fini kua
nga akua ni so akpa terê na ati so a doit ti sara ni
na peko ti so mbeni kota kpale asi:
ti monté li ti da,
ti kanga abâche,
ti sara kua na agbakuru nde nde,
ti sara aye so kue na sécurité.
Apendre aformation so kue
ayeke leke e ndali ti akota kpale.
Mingi ni a yeke soro aita ti équipe ti secours
na popo ti avolontaire
ti maintenance ti Da ti Royaume.
A sara ni tongaso ndali ti so
déjà a formé ala ti sara kua na sécurité
nga na agbakuru ti maintenance.
Ge na Mozambique
mbeni kota pupu ayâa lani,
kota pupu so ayâa so abuba aye mingi.
Fason so a leke na kpale ni afa tongana nyen la
ayeke important ti wara aita-koli
so aita ti LDC aformé ala,
ndali ti so a peut ti sara kua na ala hio,
na yâ ti Komité ti secours,
ti bâ lege ti bezoin ti aita,
ti gi ti bâ ye so asi,
ti gi avrai a-information
nga ti bâ ndo na ndö ti kua ti lekengo ada
nga lekengo peko ti ada so abuba.
Ti vrai ni, sân aita ti LDC
nga na aita so a formé ala
wala so awara formation kamême kete,
a peut ti duti ngangu lani ti mû na aita
ye so ala yeke na bezoin ni.
Mo peut ti bâ so gï bungbi ti Jéhovah la
ayeke nde na tanga ti abungbi kue.
Tongana e haka ye so asi na azo ti ndo ni
nga na ye so asi na aita
nga e bâ mungo maboko so a mû na ala
nga na ndoye so a fa na mbage ti ala,
a pika bê mingi.
So e ga nduru mingi
na fin ti aye ti ngoi so,
bezoin ti mungo maboko na aita
ague na li ni mingi ahon ti kozo.
Ye so a leke ti formé ambeni ita ti ndo ni
nga ti zia ala na yâ ti mbeni groupe
ti mû maboko na peko ti mbeni kota kpale
ague oko na aProverbe 27:10, so atene:
“Zo so alango nduru na mo ayeke nzoni
ahon ita so lege ti lo ayo.”
Ti vrai ni, e peut ti zia bê ti e
na ndö ti aita so alango ayo,
me ala peut ti sara mbeni ye hio ti aidé e ape.
Me tongana e yeke na azo so ayeke nduru na e
so a formé ala nzoni nga so a‘ke nduru ti aidé,
ala yeke sara mbeni ye hio
ti aidé e tongana mbeni ye asi.
Aita kue la apeut ti nettoyé Da ti Royaume
wala ti leke peko ti aye so abuba ape,
me alege mingi ayeke dä
so ala peut ti mû maboko na yâ ti kua so,
ala peut ti encouragé aita,
ti yamba ala na ndo ti ala
wala ala peut ti mû li ni ti fa so ala yeke nduru
ti tene a sara kua na ala na yâ ti aye nde nde.
Atâa ala yeke avolontaire na LDC,
wala ala yeke mû maboko
na maintenance ti Da ti Royaume,
ala peut ti aidé na yâ ti kua so.
Aita mingi ayeke hunda e atene:
“Tongana nyen la mbi peut ti mû maboko
na peko ti mbeni kota kpale?”
(peut-être a yeke hunda ti mo la).
E ye ti tene mo hinga so
tongana mo mû mbage na maintenance
ti Da ti Royaume ti mo
ayeke aidé mo ti aidé aita hio
na peko ti mbeni kota kpale.
Donc, tongana ade mo sara ni ape,
e encouragé mo ti mû mbage na kapa
ti maintenance ti Da Royaume ti mo.
E kiri merci mingi na ala
so ala yeke nduru
ti tene a formé ala ti sara kua.
A-effort ti ala aga na gonda
na ndö ti Jéhovah
nga adë bê ti aita ti ala.

A formé ala ti sara kua