JW subtitle extractor

Le Bibliaoʼ letiʼe libro maas kʼaj óolaʼanoʼ.
Maʼ xaaneʼ yaantech junpʼéeliʼ.
Yéetel le Bibliaoʼ jeʼel u yantal
kiʼimak óolal ta wotocheʼ
yéetel jeʼel a páaʼtik
junpʼéel kuxtal maas jatsʼutseʼ.
U j-jaajkunajoʼob Jéeobaeʼ
jeʼel u xíimbalkechoʼob ta wotoch
utiaʼal yáantkechoʼob a naʼat
tubeel baʼax ku yaʼalik a Bibliaoʼ.
Yaan u kaʼanskoʼobtech
baʼax ku yaʼalik le Bibliaoʼ,
maʼ le baʼax ku yaʼalik u religionoʼoboʼ.
Le kaʼansajoʼ x-maʼ boʼolil,
mix baʼal ken a boʼot yoʼolal le Biblia,
le libro wa le folletoʼob kun meyajtechoʼ.
Teech kan aʼalik tuʼux, baʼax kʼiin
yéetel baʼax hora a kʼáat xook.
A jujunpʼéelil kun kaʼansbiltech
baʼax ku yaʼalik le Bibliaoʼ.
Le xookoʼ jeʼel u xáantal diez minutos,
junpʼéel hora wa maas tiʼeʼ.
Jeʼel bixak ka xoknakecheʼ
mix máak kun obligartikech
a beetaba u j-jaajkunaj Jéeobaiʼ.
Minaʼan examen.
Yaan u bin a kaanbal
jeʼex kun páajtal techoʼ.
Yaan libroʼob yéetel folletoʼob
utiaʼal a xokik le Bibliaoʼ.
Jeʼel u páajtal a yéeyik jeʼel máakalmáakeʼ.
Táanil tiʼ a múul xook yéetel le j-Jaajkunajoʼ,
jeʼel u páajtal a líiʼskaba
yéetel le baʼax ken a xokeʼexoʼ.
Jeʼel u páajtal u tsʼaʼabaltech
xook ta wotocheʼ
tiʼ teléfono
wa tiʼ Internet.
Wa ka kanik a beet baʼax kiaʼalik le Bibliaoʼ
yaan u bintech utsil
yéetel yaan u kiʼimaktal a wóol.
Kʼáat teʼ Internet ka
kaʼansaʼakech yéetel le Bibliaoʼ.
Juntúul u j-jaajkunaj Jéeobaeʼ
yaan u xíimbaltikech teʼ kʼiin,
teʼ hora yéetel teʼ
tuʼux maas maʼalob a wilkoʼ.

¿Bix u kaʼansaʼal máak yéetel le Bibliaoʼ?