JW subtitle extractor

Toupatou nan monn nan,
chak semèn gen moun
ki reyini ansanm pou adore Bondye
nan yon seri kote yo rele Sal Wayòm.
Èske w konn mande tèt ou:
Ki sa yo fè nan Sal Wayòm
Temwen Jewova yo?
Se yon kote yo fè
pou moun etidye Labib
e yo bay diskou ladan l chak semèn.
Premye fwa m te asiste
yon reyinyon, m te kontan anpil.
Te gen yon bèl anbyans
m pa t janm wè sa okenn kote.
Moun yo janti, yo gen lòd,
yo enterese nan moun.
Tout moun ka vin asiste reyinyon yo.
Yo gratis e nou pa janm fè lakòlèt.
Nou envite fanmi yo asiste reyinyon yo
ansanm pou yo ka aprann.
Tout reyinyon yo kòmanse e yo fini
ak yon kantik e ak yon priyè.
An jeneral, nan reyinyon
yo fè nan wikenn nan
yo bay yon diskou biblik yo fè sitou
pou piblik la ki dire 30 minit.
Apre sa, yo fè yon konvèsasyon
sou fòm kesyon ak repons
ki baze sou yon atik
nan Toudegad ki gen atik etid yo.
Se moun ki vle ki toujou patisipe.
Nan youn nan reyinyon
yo fè nan semèn nan
non sèlman nou etidye Labib,
men, nou jwenn fòmasyon
pou n pale an piblik tou.
Tout moun ka vin asiste
reyinyon nou yo.
Menm moun ki pa
Temwen Jewova ka vini tou.
Ou ka ale nan nenpòt Sal Wayòm
e w ap jwenn menm enstriksyon an
ki baze sou Bib la.
Nan reyinyon Temwen Jewova yo,
w ap jwenn fòmasyon sou Bib la.
W ap rankontre moun
k ap ankouraje w
e w ap gen posiblite
pou w louwe Bondye.
Pou w ka konnen
ki Sal Wayòm ki toupre w,
tanpri antre nan seksyon
enfòmasyon sou nou an
epi fè rechèch
sou reyinyon kongregasyon yo.

Ki sa yo fè nan yon Sal Wayòm?