JW subtitle extractor

Tudu simana na mundu interu
txeu pesoas ta djunta na un lugar di adorason
ki ta txomadu Salon di Reinu.
Dja bu kustuma pergunta,
kuzê ki ta kontise na un Salon di Reinu di Tistimunhas di Jeová?
La é un lugar undi tudu simana ta fazedu diskursus
i prugramas di studu di Bíblia.
Primeru bês ki N sisti un runion N fika rei di kontenti,
anbienti sábi sima kel-la nunka N ka odjaba na otu lugar.
Gentis ta mostra amor, es é idukadu
i es ta preokupa ku kunpanheru.
Runion é pa tudu algen,
bu ka ta paga nada pa entra
i nen bu ka ta pididu dinheru.
Família interu sta konvidadu pa ba sisti i prende djuntu.
Runion ta kumesa i ta tirmina ku kántiku i orason.
Na un di kes runion, kel di fin di simana
ta fazedu un diskursu di trinta minutu
ku bazi na Bíblia pa tudu algen.
Dipôs nu ta studa un téma na revista Sentinéla
ku pergunta i respósta.
Ken ki krê ta partisipa.
Na un di nos runion di simana,
nu ta studa Bíblia
i tanbê nu ta inxinadu pâpia ku tudu algen.
Kalker algen sta konvidadu pa sisti runion
sikrê é ka Tistimunha di Jeová.
Kalker Salon di Reinu ki bu bai,
ta studadu mésmu asuntu di Bíblia.
Idukason ki Bíblia ta da,
sta djuntu ku algen ki ta da-u koraji
i xansi pa bu lova Deus
sta spera-u na runion di Tistimunhas di Jeová.
Pa bu atxa un Salon di Reinu más pértu di bo
favor djobe na párti nos organizason
dipôs klika na runions i faze piskiza.

Kuzê ki ta kontise na un Salon di Reinu?