JW subtitle extractor

‎‪‎‪Miziwe akiing,
‎‪‎‪niibiwa awiyag dazhi-maamawiinowag
‎‪‎‪endaso-dwaateg ji-anami’etawaawaad
‎‪‎‪Gizhe-Manidoon ini gaa-izhinikaadegin
‎‪‎‪Kingdom Halls.
‎‪‎‪Wiikaa na ginaanaagadawendam
‎‪‎‪aaniin enakamigak imaa biindig
‎‪‎‪Kingdom Hall Jehovah’s Witnesses onji?
‎‪‎‪Mii imaa endaso-dwaate
‎‪‎‪Gizhe-Manidoo Odikidowin nigikino’amaagoomin
‎‪‎‪gaye nimbizindaamin giigidowinan.
‎‪‎‪Nishtam gaa-izhaayaan maamawinowining,
‎‪‎‪nigii-gichi-jiikendam.
‎‪‎‪Nigii-minomanji’;
‎‪‎‪gaawiin wiikaa nigii-waabandanziin izhi gegoon.
‎‪‎‪Gakina imaa wiinge zaagi’idiwag;
‎‪‪aapiji minwaadiziwag;
‎‪wiinge gaye mino-doodaadiwag.
‎‪‎‪Bigo awiya daa-bi-izhaa.
‎‪‎‪Gaawiin giga-diba’igesii gemaa ji-bagidinigeyan.
‎‪‎‪Wiiji’amaaganag wiikomaawag
‎‪‎‪ji-maamawi-gikino’amaawindwaa.
‎‪‎‪Nagamowag zhigo anami’aawag
‎‪‎‪imaa maamawinowining
‎‪‎‪apii maajiseg gaye booniseg.
‎‪‎‪Bezhig maamawinowin izhise anami’e-giizhigak.
‎‪‎‪Gichi-Mazina’igan giigidowin
‎‪‎‪da-ayaamagan minik
‎‪‎‪aabita-diba’igan gakina awiya onji.
‎‪‎‪Mii dash nigikino’amaagoomin
‎‪‎‪Gizhe-Manidoo Odikidowin aabajitooyaang
‎‪‎‪iwe Watchtower mazina’iganens.
‎‪‎‪Daa-nakwetam bigo awiya.
‎‪‎‪Bakaani-giizhig nimaamawiinomin
‎‪‎‪ji-gikino’amaagoowaang Gizhe-Manidoo Odikidowin
‎‪‎‪gaye weweni ji-nitaa-giigidowaang.
‎‪‎‪Gakina awiya wiikomaa
‎‪‎‪ji-biizhaad ono anami’e-maamawinowinan,
‎‪‎‪gaawiin memwech Jehovah’s Witnesses ji-izhitwaayan.
‎‪‎‪Gidaa-biindige bigo aandi Kingdom Hall
‎‪‎‪gaye gidaa-bizindaanan bezhigwan
‎‪‎‪Gichi-Mazina’igan gikino’amaagewinan.
‎‪‎‪Giwiikomigoo ji-gikino’amaagooyan Gichi-Mazina’igan.
‎‪‎‪Giga-megwaashkawaag awiyag gaa-minwaadiziwaad
‎‪‎‪gaye gidaa-wawiizhimaa Gizhe-Manidoo.
‎‪‎‪Ji-mikaman Kingdom Hall besho gaa-ayaayan,
‎‪‎‪daga izhaan Niinawind Onji gaye
‎‪‎‪mooshkinebii’an maamawinowin andone’igewin.

Aaniin Enakamigak Imaa Kingdom Hall?