JW subtitle extractor

Ni tudu tela, ngê ka zunta tudu somana,
ni luge di dorason ku ka sama Salon di Lenu.
Bô punta za,
Kê kwa ku a ka pô bê
ni Salon di Lenu di Sêxtêmunha di Jova?
Ê sa ũa luge ku tudu somana
tê ploglama di xtudu di Bibilha ku palextla.
Plumêlu vê ku n ba ũa lenyon se, n xintxi gôxtô lumadu.
Kwa tava bwa so,
naxi xintxi di moda se ni ôtlô luge fa.
Inen ka munsa amôlê,
inen sa ndukadu,
bila ka pota ku ngê di vede.
Tudu lenyon sa betu da tudu ngê.
Lentlada sa di glasa,
a na ka pidji bô djêlu fa
Tudu familya sa kunvidadu pa inen xina zuntu.
Tudu lenyon ka komesa bila kaba ku vungu ku lason.
Ũa lenyon se, di fin somana,
tê ũa palextla di Bibilha di 30 minutu pa tudu ngê.
Zo, non ka xtuda rivixta A Sentinela plô mê di punta ku laxpoxta.
Maji ngê ku mêsê so ka da laxpoxta.
Ni ũa lenyon, di ômê somana,
non ka xtuda Bibilha bila lêsêbê
xplikason di kuma non ka pô fla ku tudu ngê.
Tudu ngê sa kunvidadu,
antê ngê ku na sa Sêxtêmunha di Jova fa.
Kwakwali Salon di Lenu ku bô ka be,
bô ka bê ũa ploglama tan di inxtluson di Bibilha.
Ndukason di Bibilha,
zunta ku ngê ku ka da bô fôsa,
ku sanxi di lova Dêsu,
ka gwada bô ni Lenyon Klixton di Sêxtêmunha di Jova.
Pa bô bê ũa Salon di Lenu petu di ke bô
fe favôlô vizita sekson Kê Ngê Ku Sa Non,
zo, lentla ni lenyon di konglegason pa bô fe pixkiza.

Kê Kwa Ku a Ka Pô Bê Ni Salon di Lenu?