JW subtitle extractor

Sainküin mmakat süpüshuaʼa,
outkajaasü wayuu semaanawai suluʼu
tü Piichi Noutkajaaleekat
na aküjaliikana pütchi nüchiki Jehová.
«¿Kasache aainjünaka suluʼu türa Piichikat?»,
eesüjaʼa müirüle pünüiki.
Ekirajaana anainrü tü Bibliakat semaanawai
jee aküjünüsü pütchi süpülajatü
wayuu süpüshuaʼa.
Talatüsü maʼin taaʼin soʼu tü palajatkat takua
sünain tü outkajawaakat.
Kamaneeshii maʼin na wayuu chajanakana.
¡Ponusü maʼin taaʼin!
Aipüralii maʼin na wayuu oʼunakana
sünain tü outkajawaakat,
kamaneejüshii maʼin naya napüshuaʼa,
kojutusü maʼin wayuu namüin.
Eesü süpüla su’unüin wayuu maʼleekalia sünain.
Nnojoleerü achuntünüin nneerü sümüin.
Anashii jürütkaale namaa na jüchonniikana
süpüla jaapajüin tü pütchikat.
Suʼttapa jee sujutaapa tü outkajawaakat,
ee’irajünaa jee o’uraajuna amüinchi Jehová.
Sünain tü outkajawaa aainjünakat
saawanoʼu jee rimiinkoʼu,
aküjünüsü wanee pütchi so’u 30 minuuto
namüin na nnojoliikana anoujüin.
Süchikijee, ekirajaana anainrü
tü rewiisütakat Aapiria Wayuu,
eeka nasouteein, asoutushii shi’ipajee
tü asakinnakalü anain.
Ekirajaashii waya namaa na
wawalayuukana sünain tü Bibliakat
jee ekirajünüshii waya süpüla watüjainjanain
aashajawaa suʼupala wainma wayuu.
Eesü süpüla su’unüin wayuu maʼleekalia
sünain tü outkajawaakat,
jaʼitairü nnojoluin süküjalüin
pütchi nüchiki Jehová.
Pu’unüle sulu’u wanee Piichi Outkajaale,
pi’reerü wanaawain tü nekirajakalü anain
na aküjaliikana pütchi nüchiki Jehová.
Sünain tü outkajawaakat,
pikirajaajeerü anain tü Bibliakat,
paʼaleewainjeena na wayuu anamiakana
jee puʼwaajeechi Maleiwa.
Süpüla pütüjaain saaʼu jalain wanee outkajaalee,
püchajaa sulu’u jw.org
eere Sobre Nosotros sümüin.

¿Kasache aainjünaka sulu'u tü Piichi Outkajaaleekat?