JW subtitle extractor

Áí’sttsitsáómatapi’poyo’ki,
iitáómatapssopówahtsi’so’pa.
Máakótsskoinaattsiwa sspóóhtsi?
Tsá anistápiiwa iihtá’pistotoayaawa kakató’siiksi?
Máakiitáístsii’pa maká’piiwa?
Tsimá iihto’táóo’pa?
Máakáí’niwa matápii?
Matápiiksi iikáípiooyaawa
ááhkitohkottóyi’tsi’saawa otssopówahtsi’soaawayi.
Ánnohk ksistsikóyi, iikákaoyi iihtáóhtsimao’pi.
Noohkssawáóhkottoyi’tsii’pa
—iihtáísopówahtsi’so’pi ipáítapiiyssini,
ókohkoyssini, ki i’nssíni.
Tsimá áakitohkottóyi’tsii’pa
ámostsska sopówahtsi’siistsi?
Kitáaksstai’tohkottóyi’tsii’pa ámostsska
sopówahtsi’siistsi Naatóyssínaakssini?
Iikakáítapiiksi áwaaniiyaawa,
Naatóyssínaakssini otohtohtóí’tsissi
sáyipitsíítsinikssiistsi ki akáítapiitsinikssiistsi,
otsikáíssissi,
tsááhtao’ iikomáíiyikowa ááhkotsistapi’tsi’si.
Kítai’tota’piihpa Naatóyssínaakssini,
tsááhtao’ kítai’tota’piihpa matápii
otánistáótsistapi’tsi’soaawayi Naatóyssínaakssini?
Matápii niitáíksimsstaayaawa
Iihtsipáítapiiyo’pa otáókakihtsimatoo’si ksááhkoyi.
Tsá áakanistohkottánistsiiwa?
Ksááhkoyi stámsskáá’soka’piiwa!
Stámohtohtoi’tsiiwa áísttsohkoyiiksi ki áókohkoyiiksi,
isttsíístomssini ki i’nssíni,
ikímmata’pssiiksi ki áíponiaakiiksi.
Áákomimmapiiyipitsiwa Iihtsipáítapiiyo’pa,
tsá áakánistohkottsitota’piihpa?
Kitááhkamá’pipisatsi’taki niitánistsitssínaii’pi Naatóyssínaakssini.
Iitssínaii’pa:
“Maká’pato’siwa áókakihtsimatooma kanáó’takssksaahkoyi.”
Áaksstámohkottaanio’pa,
iihtsíístapoka’piiwa annó ksááhkoyi
maká’pato’sííksimsstaani,
ááwatta’tstooma otánistá’paississi annó.
Imaksstónnatsiiyika’kimaahsi matápii
máátáakohkottai’tsimiaawa iiyíkoistsi.
Noohkítstsii’pa i’táámitsinikssini:
Iitssínaii’pa Naatóyssínaakssini
máátáakaahsaanistáóka’piiwa!
Iihtsítsinikatoo’pa ohtánista’paissiihpi,
Iihtsipáítapiiyo’pa otáakanista’pistotsii’pi,
ki áakanistohkottsipoyísskihtsii’pi ánnohk.
Naatóyssínaakssini oyí’toyiiwa akáítapiiksi
annó kanáó’takssksaahkoyi.
Kítai’sstaahpa kitááhkitsina’paissi ámoksska?
Jehovah Otátohká’tohtaaniksi áakohtááhsi’takiyaawa
kitááhkohtssksinima’tsi’si Naatóyssínaakssini.
Káákohtoi’tót iihtáókamanio’pi
kitááhkokakísskska’tsi’si Naatóyssínaakssini,
ki kitáakitoksisáwaaakka
Jehovah Otátohká’tohtaani.

Máakssoka’piiwa kitááhkáókakisskska’tsi’si Naatóyssínaakssini?—Sopokssáíksisttoohsini