JW subtitle extractor

Nam urekkutri latrø nu nepua kusrekøtan.
¿Srømpalasrømpe chincha pillichik kø?
¿Estrellaspe chimera kø?
¿Chincha namune trømpøik purep atrup?
¿Nampe chukutri amtrua pøntrer?
¿Chincha kuamik puik kø?
Nampe løtilan wetøtrantrap chine
yana marøp amtruik køn.
Møimpe nøtrø nepua asha pøntrer,
srøtøpe nepua ashmuik køn.
Nampe namuiwan isupelø ker.
¿Chincha kuamik puik kø?
¿Chincha kiship waramik puik kø?
¿Nampe løtilan chu wetøtrantrap?
¿Løtapipe Bibliayu pøntra chintera?
Mutøkucha Bibliape nømtø
isua pørilø køn, chipelø køn.
Bibliane chi kilka køpen køn, chipelø køn.
Biblian chiken nepua asamkeik køn, chipelø køn.
¿Truikpe ciertonik kø chintera?
¿Misakmera Biblianpurap chi
wamintilø cierton treek kø chinta?
Misakmerape tru Pirøwan Tius nø
aship karup pasran, chipelø køn.
¿Truikpe ciertøn kø chintera?
Purø trømpøik purø pasran, yu Pirau.
Chutøkucha misakmera purø
pusrkuaik isup kiship køn.
Kuantrø waran trukutri kuap køn.
Waachamera køn, ya mintilø pøntran.
¿Tiuspe untakik kua ilan mara chintera?
Tiuspe ilan marmøn, Bibliape eshkan.
Bibliayupe eshkan, yu Pirau
Kuaimantsik nø aship karup pasran.
Nampe Kuaimantsikwane ashmer,
nøpe murik køn incha latrø kaik køn.
Nøkutrintø purø trømpøik purep pasran.
Misakmera purø trømpøik purø pasrøpen
chikøpen marakucha tamartrap kaimaik køn.
Inchentø Bibliayupe latrø tap wammera pøntran,
misakmerape latrø tap amøñintrun.
Bibliayupe eshkan,
¿chinchatre trømpøik purep pasra?
¿Chi martrera Tiuspe patsøkøntrappe?
¿Nam ik pumnepe chi maramik kø?
Latrø nu misakmera yu Pirau waraimpørap
Bibliayu løtilan wetøkøtrap køn.
¿Ñune kustantrauta øilø latawai kusrep yamik?
Jeupawaiwan waminchipeløpe ñune kusrenantrun,
ñipe Internetyu pøntrapelan pøramik køn trukutri
kan Jeupawaiwan waminchipipe ñune kusrenanøp
intrun, ñi chu chipen, chi kualøm chipen.

¿Chincha Biblian kusremik kø? (videu neik)