JW subtitle extractor

Tam ki tuju tu káw, i tˈajál yan i konowixtaláb:
¿Jitaˈ in tʼajaˈ an walkʼiˈ?
¿Janti tʼajadh an óttsik?
¿Jantʼó ti watʼnál xowaˈ yab alwaˈ?
¿Jon tu tál?
¿Jantʼó tu chemel?
Abal ki elaˈ an tokʼtsixtaláb
i tˈajamich yan i chápláb.
Ani xóˈ i choˈóbich yan xanéy
xowaˈ yab wiˈik i choˈób.
Por bél waˈach i konowixtaláb kʼal an xeˈchintaláb,
an yajtsikʼtaláb ani an chemlach
xi yab i ejtowal ki tokʼoy.
¿A belál abal waˈach xanti ki tokʼoy?
¿Ani max an tokʼoxtaláb echʼe kʼwajinek tajaˈ
... ban Tʼokat Dhutslab?
Yan i atiklábtsik in ulal abal an Tʼokat Dhutslab
in koˈol i kʼambix tʼilab...
... wejeˈich tʼajat...
... o tʼojláb abal ki exbay.
Ani jechéˈ,
¿jaˈich tsubax?
¿A belál abal tsubax
xowaˈ in ulal an atiklábtsik
tin kwentaj an Tʼokat Dhutslab?
An atiklábtsik in belál
kej an Tʼokat Dhutslab in ulal,
abal an Okʼoxláb in takʼiyal an chabál.
Por ¿jantich jey tam?
¡An kʼaylál kʼwajat lej kʼibenek!
Xóntakich i chuˈtal
i yajtsikʼtaláb ani i tʼeˈpintaláb ...
... yawlách ani chemlach...
... chʼojontaláb ani kʼibeltaláb.
¿In ejtowal jun i Dios
xu kʼanidhax kin tʼajaˈ ejtal jechéˈ?
Xowaˈ in ulal an Biblia
neˈech xónaˈ ti labandhaˈ.
An Biblia in ulal,
abal an kʼaylál kʼwajat
teykómte kʼal an lej atʼax.
Jun xitaˈ xi yab tejwaˈ,
lej chapniˈ ani lej atʼax,
jaˈich xi kʼwajat in tʼajál ka waˈchin
yan i atʼaxtaláb.
Jaxtám,
kʼal yan xowaˈ i chápláb ki tʼajaˈ
abal ki lejkiy jechéˈ i kʼaylál,
yab i ejtowal.
¡Por waˈach i alwaˈ káw!
An Biblia tu óltsal jun i alwaˈ aytsixtaláb.
Tu wiltsal
jantʼó tu kʼwajat anchanʼ,
janti ne kin lejkiy an Okʼoxláb,
ani lejat, janéy i ejtowal ki tʼajaˈ.
Yan i atiklábtsik in elámalich ban Biblia,
an tokʼoxtaláb kʼal an
konowixtalábtsik xi más exbadh.
¿A kulbetnál tey ka exlaˈ?
An Óltsixtsik kʼal a Jehová
neˈech ti tolmiy kʼal yan i kulbetaláb.
Ka konoy jun i okʼtsixtaláb
kʼal an Biblia ti Internet,
ani jun i Óltsix neˈech ti álnaˈ,
joykʼij ani xonti tatáˈ ka leˈnaˈ.

¿Jantʼó ti alwaˈ ka exobnaˈ an Tʼokat Dhutslab?