JW subtitle extractor

Nukanchika wambra kauramandata
achka munanchimi iachangapa.
¿Imapatak cielo ka asul?
¿Imatak ka estrellakuna?
¿Imawatak llakii iukanchi?
¿Maimandatak wiñai kallarirkanchi?
¿Imapatak nukanchita wañui chaiá?
Chikunata iachangapa, achka ruraska kanchi.
Kunapunchapika más iachai iacharimi
ñugpa mana iachariskata.
Ikuti nukanchi charami tapuikuna
iukanchi nukanchipa kaugsaimanda,
llakiikunamanda i wañuimandapas.
¿Maipitak nukanchita willá chi tapuikunamanda?
Chi tapuikunata ¿manachar Bibliapi aininga pudirí?
Achka jentekuna kasa ninkunami:
Bibliapi ianga parlukuna tiá…
... o sug librollami ka tukui sug librokunasina...
... o mana pudirí intindingapa.
¿Jentekuna niskasina, sutipachar ka?
Jentekuna kasapas ninkuna:
Dius kai Alpapi mandaku.
¿Chi sutipachar ka?
¡Kai Alpapi achka jiru ruraikunami tiá!
Tukui Alpanigta kawarimi jentekuna
achka llakiikuna iukagta...
... unguikunawa kaugsanakugta i wañunakugta...
... ñima iukagtakuna i kikinkunapa
wasi chingarinakugta.
¿Diuschar chi llakiikunata kai Alpama kachamuku?
Bibliapi willaraiá Dius chi llakiikunata
mana kachamukugta.
Bibliapi kasa willaraiá:
‘kai Alpa Diablopa makipimi ka’.
Paita mana kawai pudinchichu, iapa poder
iuká i mana alli ruragmi ka.
Paimanda tukui llakiikunami tiá.
Jentekunaka llakiikunata
tukuchingapa fuirsarinakugpipas,
mana pudinkunachu.
¡Piru alli willaikunami tiá! Sumaglla
kaugsangapa kanchi.
Bibliapi willaraiá imawami jiru pasarikugta,
imasa Taita Dius llakiikunata tukuchingapa kagta
i ima iukanchi ruragtakuna, pai chasa rurankama.
Tukui Alpanigta achka jentekunaka iachaikunakú
Bibliapi ima willaraiagta
kikinkunapa tapuikunamanda.
Kamká, ¿paikunawa Bibliamanda
iachaikungapa munantrangichu?
Jeobamanda Willagkuna kustintaspallami
kamta iachachingapa kankuna.
Kai internet pangapi kamba
datokuna iskribispa churapuai.
Nigpika, paikuna iachachigringapa ka, kam
imasaura munaura, i maipi kam pudiskapi.

¿Imapatak chaiá Biblia iachaikunga? (Intirumi ka)