JW subtitle extractor

Chéen pʼelak u káajal k-tʼaaneʼ k-kʼáatik:
¿Baʼaxten azul le kaʼanoʼ?
¿Baʼaxten ku jóopbal le estrellaʼoboʼ?
¿Baʼaxten ku yúuchul baʼaloʼob kʼaastak?
¿Tuʼux u taal wíinik?
¿Baʼaxten ku kíimil máak?
Utiaʼal u yojéeltaʼaleʼ...
... yaʼab baʼaloʼob tsʼoʼok u beetaʼal.
Bejlaʼa xaneʼ maas yaʼab
baʼaloʼob k-ojel.
Baʼaleʼ yaan kʼáatchiʼob
yoʼolal le kuxtal,
le muʼyajil yéetel le kíimiloʼ
bey mix máak u yojel u núukileʼ.
¿Jeʼel wa túun u páajtal k-ojéeltikeʼ?
¿Kux túun wa úuchiliʼ anak u
núukiloʼob...
... teʼ Bibliaoʼ?
Yaʼab máax aʼalikeʼ teʼ Bibliaoʼ
chéen tsikbaloʼob maʼ jaajtak yaniʼ.
Tsʼoʼok bin u jáawal u meyaj.
Talam bin u naʼataʼal.
Baʼaleʼ ¿jach wa jaaj?
¿Jaaj wa le baʼaxoʼob ku yaʼalaʼal
yoʼolal le Bibliaoʼ?
Yaan máax tuklikeʼ le Bibliaoʼ ku yaʼalik
Dios gobernartik le yóokʼol kaabaʼ.
Baʼaleʼ ¿bey waoʼ?
Ilawile,
le yóokʼol kaabaʼ jach kʼaas yanil.
Chuup yéetel yaj óolal,
muʼyajil,
kʼojaʼanil,
kíimil,
óotsilil yéetel nukuch loobiloʼob.
A tuklikeʼ ¿jeʼel wa u beetik Dios
ka úuchuk le baʼaloʼobaʼ?
Maʼ xaaneʼ
jeʼel u jaʼakʼal a wóol
ken a wojéelt baʼax ku yaʼalik
le Bibliaoʼ.
Ku yaʼalikeʼ «u túulisil yóokʼol kaabeʼ
tiʼ yaan yáanal u páajtalil
le j-Kʼasaʼanoʼ».
Le j-Kʼasaʼan wa Kʼaasilbaʼaloʼ,
letiʼ beetik u yantal talamiloʼob,
pʼektajil yéetel kʼasaʼanil.
Le beetkeʼ kex jeʼel baʼaxak ka k-beeteʼ
maʼ tu páajtal k-utskíintik le talamiloʼoboʼ.
Baʼaleʼ kiʼimak k-óol,
tumen le Bibliaoʼ ku yaʼalikeʼ
yaan u yutskíintaʼal.
Ku yaʼalik baʼaxten bey anik tuláakal baʼal,
bix ken u yutskíintil Dios,
yéetel baʼax jeʼel u yáantkoʼon bejlaʼeʼ.
U millonesil máakoʼob
tiʼ tuláakal yóokʼol kaabeʼ
táan u kankoʼob teʼ Biblia u núukil
le kʼáatchiʼob maas kʼaʼanaʼantakoʼ.
¿Kux túun teech?
¿A kʼáat wa a wojéelt u núukil
le kʼáatchiʼobaʼ?
U j-jaajkunajoʼob Jéeobaeʼ
yéetel kiʼimak óolal ken u yáantechoʼob.
Kʼáat teʼ Internet ka kaʼansaʼakech
yéetel le Bibliaoʼ.
Juntúul u j-jaajkunaj Jéeobaeʼ
jeʼel u xíimbaltikech teʼ kʼiin,
teʼ hora
yéetel teʼ tuʼux maas maʼalob
a wilkoʼ.

¿Baʼaxten unaj a xokik le Bibliaoʼ? (Chowak video)