JW subtitle extractor

Noq inqatijej q’orik,
inqatoq’a pahqanik.
¿Chajreet (o chaj wa’ reh) noq rax i taxaaj?
¿Ruuk’ chajarik xikorjik wi’ taqeh i ch’umiil?
¿Chajreet noq inqak’uul i ti’ k’axik?
¿Aha’ qojchalik?
¿Chajreet noq qojkimik?
Reh runab’jik i wilih,
chaj ta chik jarik ma’ inqa’an.
Yu’naak wilik chik i qeht’al
eh najtir ma’ qeht’aliim ta naq.
Xa re’ la’
wilik pahqanik chi riij i k’achariik,
i k’axkilaal eh i kimik
ma’ inqareq ta chi riij.
¿Wilik ta wo’ aha’ ne inqareq chi riij?
¿Eh xa ar oq wo’ wilik runab’jik…
pan Santo Laj Huuj?
K’ih inkiq’or
chi chukuj q’orik wilik chupaam i Santo Laj Huuj…
… jenaj huuj ma’ inkamanik ta chik…
… k’axik rureqarik chi riij.
¿Korik nak i wilih?
¿Mi korik ta wo’ inkiq’or
i tinamit chi riij i Santo Laj Huuj?
Wilik inkikapaj chi re’ i Santo Laj Huuj iruq’or chi re’ Dios
intaq’anik nah i wach ak’al.
¿Korik ta wo’ i wilih?
¡Re’ ak’al wilih yojemaj wach!
Xa aha’ wilik k’axkilal eh ti’kiil k’uxliis…
… yab’ilaal eh kimik…
… neb’a’il eh chu’nchel yojoj wach.
Re’ Dios qojraaj,
¿rumahk na chu’nchel i wilih?
Mareh ne rusach ak’ux
chi riij iruq’or i Santo Laj Huuj.
Re’ Santo Laj Huuj iruq’or
«sut i wach ak’al re’ i aj yahm wilik rajaawriik chikinaah».
Jenaj uxlab’aal yiib’ wach i runa’ojb’al intaq’anik.
Ruum aj re’ i wach ak’al nujenaq chi k’axkilal.
Ruum aj re’
chaj ta chik jarik ma’ inqa’an
ma’ qojchol ta chik rusacharik wach i k’axkilal.
¡Xa re’ la’,
re’ i Santo Laj Huuj irub’ehsaj
jenaj k’achariik holohik!
Iruyeew chi nab’jik chajreet wilik ti’ k’axik,
nik’wach i Dios narusacham wach
eh chajarik naqab’anam yu’nak.
K’ih i k’achareel chi junsut i wach ak’al
kireqem pan Santo Laj Huuj i kipahqanik xtikoruman.
¿Inawaaj nak anab’eem i hat?
Re’ hoj testigos reh Jehová
insuqb’ik qak’ux chi atob’jiik.
Chapahqaj jenaj atijinik pan Internet
eh jenaj Testigo ne inponik awuuk’
pan horahiil eh pan ye’aab’ inawaj i hat.

¿Koruman na chi ne natijej chi riij i Santo Laj Huuj?